കേരളത്തില്‍ താമര വിരിയുന്നു, തൃശൂര്‍ സുരേഷ് ഗോപി എടുക്കും, തിരുവനന്തപുരത്ത് രാജീവ് ചന്ദ്രശേഖറും മുന്നില്‍

It is certain that the lotus will bloom in Kerala. BJP candidate Suresh Gopi's majority in Thrissur has crossed half a lakh. With this, Suresh Gopi's

സ്വന്തം ലേഖകന്‍

തിരുവനന്തപുരം: കേരളത്തില്‍ താമര വിരിയുമെന്ന് ഉറപ്പായി. തൃശൂരില്‍ ബി ജെ പി സ്ഥാനാര്‍ത്ഥി സുരേഷ് ഗോപിയുടെ ഭൂരിപക്ഷം അര ലക്ഷം കടന്നിരിക്കുകയാണ്. ഇതോടെ, സുരേഷ് ഗോപിയുടെ ജയം ഏതാണ്ട് ഉറപ്പായിരിക്കുകയാണ്.

ഇവിടെ രണ്ടാം സ്ഥാനത്ത് സി പി ഐയുടെ വി എസ് സുനില്‍ കുമാറാണ്. വടകരയില്‍ നിന്ന് തൃശൂര്‍ പിടിക്കാനായി എത്തിയ കെ മുരളീധരന്‍ മൂന്നാം സ്ഥാനത്താണ്. തുടക്കം മുതല്‍ സുരേഷ് ഗോപി ക്രമാനുഗതമായി ലീഡ് ഉയര്‍ത്തുന്നുണ്ട്.

ഇതേസമയം, തിരുവനന്തപുരത്ത് കേന്ദ്ര മന്ത്രി രാജീവ് ചന്ദ്രശേഖറിന്റെയും ലീഡ് ഉയരുന്നുണ്ട്. അദ്ദേഹത്തിന്റെ ലീഡ് 23,000 കടന്നു. ഇവിടെ കോണ്‍ഗ്രസിന്റെ സിറ്റിംഗ് എംപി ശശി തരൂര്‍ രണ്ടാം സ്ഥാനത്താണ്. സി പി ഐയുടെ പന്ന്യന്‍ രവീന്ദ്രന്‍ മൂന്നാം സ്ഥാനത്താണ്.

സംസ്ഥാനത്തെ യു ഡി എഫ് തരംഗം എന്നു തന്നെ പറയാം. നിലവില്‍ 16 സീറ്റില്‍ യുഡി എഫ് മുന്നിലാണ്. ആലത്തൂരും ആറ്റിങ്ങലും മാത്രമാണ് എല്‍ ഡി എഫിന് ലീഡുള്ളത്.

Summary: It is certain that the lotus will bloom in Kerala. BJP candidate Suresh Gopi's majority in Thrissur has crossed half a lakh. With this, Suresh Gopi's victory is almost assured.