സ്വന്തം ലേഖകന്‍ കൊച്ചി: ചലച്ചിത്ര താരങ്ങളുടെ സംഘടനയായ 'അമ്മ'യുടെ ജനറല്‍ സെക്രട്ടറിയായി നടന്‍ സിദ്ദിഖ് തിരഞ്ഞെടുക്കപ്പെട്ടു. വോട്ടെടു...
സ്വന്തം ലേഖകന്‍
കൊച്ചി: ചലച്ചിത്ര താരങ്ങളുടെ സംഘടനയായ 'അമ്മ'യുടെ ജനറല്‍ സെക്രട്ടറിയായി നടന്‍ സിദ്ദിഖ് തിരഞ്ഞെടുക്കപ്പെട്ടു. വോട്ടെടുപ്പിലൂടെയായിരുന്നു ഇടവേള ബാബുവിന്റെ പിന്‍ഗാമിയായി സിദ്ദീഖ് എത്തുന്നത്. ഔദ്യോഗിക പക്ഷത്തിന്റെ പിന്തുണയും സിദ്ദീഖിനായിരുന്നു.
ജയന്‍ ചേര്‍ത്തല, കുക്കു പരമേശ്വരന്‍, അനൂപ് ചന്ദ്രന്‍ എന്നിവര്‍ പ്രസിഡന്റ് സ്ഥാനത്തേയ്ക്കു മത്സരിക്കാന്‍ പത്രിക നല്കിയിരുന്നു. മോഹന്‍ ലാല്‍ ആ സ്ഥാനത്തു തുടരാന്‍ താത്പര്യപ്പെടുന്നുവെന്നു വന്നതോടെ മൂവരും പത്രിക പിന്‍വലിച്ചു.
കൊച്ചിയിലെ ഗോകുലം കണ്‍വെന്‍ഷന്‍ സെന്ററില്‍ നടന്ന യോഗത്തില്‍ ഉണ്ണി ശിവപാല്‍, കുക്കു പരമേശ്വരന്‍ എന്നിവര്‍ സിദ്ദീഖിനെതിരേ മത്സരിച്ചിരുന്നു. മൂന്നു വര്‍ഷത്തേയ്ക്കാണ് തിരഞ്ഞെടുപ്പ്.
കേന്ദ്ര മന്ത്രി കൂടിയായ സുരേഷ് ഗോപി വോട്ടെടുപ്പ് അവസാനിക്കുന്നതിന് ഒരു മണിക്കൂര്‍ മുന്‍പ് എത്തിയിരുന്നു. 11 അംഗ എക്‌സിക്യൂട്ടീവിലേക്കു 12 പേര്‍ മത്സരിച്ചു. വിദേശത്തായതിനാല്‍ മമ്മൂട്ടി യോഗത്തില്‍ സംബന്ധിച്ചില്ല.
കലാഭവന്‍ ഷാജോണ്‍-294
സുരാജ് വെഞ്ഞാറമൂട്-289
ജോയി മാത്യു-279
സുരേഷ് കൃഷ്ണ-275
ടിനി ടോം-274
അനന്യ-271
വിനു മോഹന്‍-271
ടൊവിനോ തോമസ്-268
സരയു
അന്‍സിബ
Summary: Actor Siddique has been elected as the general secretary of 'Amma', an association of film stars. Siddique became the successor of Ivala Babu through voting. Siddique also had the support of the official side.
COMMENTS