നിലമ്പൂര്: നിലമ്പൂര്-ഷൊര്ണ്ണൂര് പാസഞ്ചര് ട്രെയിനില് യാത്രക്കാരിയെ കടിച്ചത് പാമ്പല്ലെന്ന് റെയില്വേ അധികൃതര്. വിഷമില്ലാത്ത മറ്റേതെങ്കി...
നിലമ്പൂര്: നിലമ്പൂര്-ഷൊര്ണ്ണൂര് പാസഞ്ചര് ട്രെയിനില് യാത്രക്കാരിയെ കടിച്ചത് പാമ്പല്ലെന്ന് റെയില്വേ അധികൃതര്. വിഷമില്ലാത്ത മറ്റേതെങ്കിലും ജീവിയാകാം യുവതിയെ കടിച്ചത് എന്ന് റെയില്വേ അധികൃതര്. യുവതിയെ ആശുപത്രിയില് നിന്ന് ഡിസ്ചാര്ജ് ചെയ്തു. ആയുര്വേദ ഡോക്ടറായ ഗായത്രി (25) എന്ന യുവതിയെയാണ് ട്രെയിന് യാത്രയ്ക്കിടെ പാമ്പ് കടിയേറ്റെന്ന് സംശയിച്ച് ആശുപത്രിയില് പ്രവേശിപ്പിച്ചത്. പെരുന്തല്മണ്ണയിലെ സ്വകാര്യ ആശുപത്രിയില് പ്രവേശിപ്പിച്ച യുവതിയെ പരിശോധനയ്ക്ക് ശേഷം ഡിസ്ചാര്ജ് ചെയ്തു.
ട്രെയിനിന്റെ ബര്ത്തില് കിടക്കുകയായിരുന്നു ഗായത്രി. പാമ്പിനെ കണ്ടതായി യാത്രക്കാര് അറിയിച്ചതിന്റെ അടിസ്ഥാനത്തില് റെയില്വേ പരിശോധന നടത്തിയെങ്കിലും പാമ്പിനെ കണ്ടെത്താന് കഴിഞ്ഞില്ല. ട്രെയിന് നിലമ്പൂരില് എത്തിയ ശേഷം വനംവകുപ്പ് ആര്ആര് ടി സംഘം കമ്പാര്ട്ട്മെന്റില് പരിശോധന നടത്തി. വനംവകുപ്പ് നടത്തിയ പരിശോധനയിലും പാമ്പിനെ കണ്ടെത്തിയില്ല.
Key Words: Train, Snake Bite
COMMENTS