തിരുവനന്തപുരം: ബി.ജെ.പി.യില് ചേര്ന്ന മുന് കോണ്ഗ്രസ് നേതാവ് പത്മജാ വേണുഗോപാല് ഛത്തീസ്ഗഢ് ഗവര്ണര് ആയേക്കുമെന്ന് സൂചന. തിരഞ്ഞെടുപ്പ് ഫലം...
തിരുവനന്തപുരം: ബി.ജെ.പി.യില് ചേര്ന്ന മുന് കോണ്ഗ്രസ് നേതാവ് പത്മജാ വേണുഗോപാല് ഛത്തീസ്ഗഢ് ഗവര്ണര് ആയേക്കുമെന്ന് സൂചന. തിരഞ്ഞെടുപ്പ് ഫലം വന്നാലുടന് തീരുമാനമുണ്ടാകുമെന്നാണ് ബി.ജെ.പി നേതൃത്വം അനൗദ്യോഗികമായി പറയുന്നതെന്ന് ഇന്ത്യാടുഡേ റിപ്പോര്ട്ട് ചെയ്യുന്നു. ഛത്തീസ്ഗഡ് ഗവര്ണറായി പരിഗണിക്കുന്ന വിവരം പലതലങ്ങളില് നിന്നും കേട്ടുവെന്നും ഉറപ്പൊന്നും ലഭിച്ചിട്ടില്ലെന്നും പത്മജ പ്രതികരിച്ചു. ബി.ജെ.പി. എനിക്കുവേണ്ടി നല്ലത് ചെയ്യുമെന്ന് ഉറപ്പുണ്ട്.
ലോക്സഭാ തിരഞ്ഞെടുപ്പിന് ദിവസങ്ങള് മാത്രം ശേഷിക്കവെയാണ് കോണ്ഗ്രസ് വിട്ട് പത്മജ ബിജെപിയില് ചേര്ന്നത്. പഴയ പാര്ട്ടിയില് നിന്നുണ്ടായ ചവിട്ടും കുത്തുമൊന്നും ഉണ്ടാകില്ലെന്ന് ഉറപ്പുണ്ടെന്നും പത്മജ മാതൃഭൂമി ന്യൂസിനോട് പറഞ്ഞു. ബിശ്വഭൂഷണ് ഹരിചന്ദനാണ് നിലവില് ഛത്തീസ്ഗഢ് ഗവര്ണര്. ആരോഗ്യപരമായ കാരണങ്ങളാല് അദ്ദേഹം പദവി ഒഴിയാനിരിക്കുകയാണ്.
തെരെഞ്ഞെടുപ്പ് പ്രഖ്യാപിക്കുന്നതിന് തൊട്ടു മുന്പാണ് പത്മജ കോണ്ഗ്രസ് വിട്ട് ബിജെപി ക്യാമ്പിലെത്തിയത്. മുതിര്ന്ന കോണ്ഗ്രസ് നേതാവും മുന് മുഖ്യമന്ത്രിയുമായ കെ കരുണാകരന്റെ മകള് പാര്ട്ടി വിട്ടു ബിജെപി യിലെത്തിയത് ദേശീയ തലത്തില് തന്നെ ചര്ച്ചയായിരുന്നു.
COMMENTS