ബിലീവേഴ്സ് ഈസ്റ്റേണ് ചര്ച്ചിന്റെ പ്രഥമ മെത്രാപ്പോലീത്ത കെ.പി യോഹന്നാന് എന്ന മാര് അത്തനേഷ്യസ് യോഹാന് മെത്രാപ്പോലീത്ത വിടവാങ്ങി. അമേരിക്...
ബിലീവേഴ്സ് ഈസ്റ്റേണ് ചര്ച്ചിന്റെ പ്രഥമ മെത്രാപ്പോലീത്ത കെ.പി യോഹന്നാന് എന്ന മാര് അത്തനേഷ്യസ് യോഹാന് മെത്രാപ്പോലീത്ത വിടവാങ്ങി. അമേരിക്കയിലെ ഡാളസില്വെച്ചുണ്ടായ വാഹനാപകടത്തെത്തുടര്ന്ന് ചികിത്സയിലിരിക്കെ ഹൃദയാഘാതം സംഭവിക്കുയായിരുന്നു.
അപ്പര് കുട്ടനാട്ടിലെ നിരണത്തായിരുന്നു ഇദ്ദേഹത്തിന്റെ ജനനം. കൗമാരകാലത്ത് തന്നെ ബൈബിള് പ്രഘോഷണത്തിലേക്ക് തിരിഞ്ഞു. 16-ാംവയസില് ഓപ്പറേഷന് മൊബിലൈസേഷന് എന്ന സംഘടനയുടെ ഭാഗമായി. 1974 ല് അമേരിക്കയിലെ ഡാലസ്സില് ദൈവശാസ്ത്രപഠനത്തിന് ചേര്ന്നു. പാസ്റ്ററായി ദൈവവചനം പ്രചരിപ്പിച്ച് പിന്നീട് വൈദിക ജീവിതം. ഇതേമേഖലയില് സജീവമായിരുന്ന ജര്മന് പൗര ഗിസല്ലയെ വിവാഹം ചെയ്തു. 1978 ല് ഭാര്യയുമായി ചേര്ന്ന് തുടങ്ങിയ ഗോസ്പല് ഫോര് ഏഷ്യ എന്ന സ്ഥാപനം ജീവിതത്തില് വഴിത്തിരിവായി. സംഘടന വളര്ന്നതോടെ നീണ്ട വിദേശവാസത്തിനു ശേഷം തിരുവല്ല ആസ്ഥാനമായി പ്രവര്ത്തിക്കാന് യോഹന്നാന് തീരുമാനിച്ചു. ലോകമെമ്പാടുമുള്ള വിശ്വാസസമൂഹത്തെ ചേര്ത്തുനിര്ത്തി 2003 ല് ബീലീവേഴ്സ് ചര്ച്ച എന്ന സഭയ്ക്ക് രൂപം നല്കി.
Key Words: Mar Athanasius Yohan Metropolitan, Passed Away
COMMENTS