തിരുവനന്തപുരം: സംസ്ഥാനത്ത് ഇന്നും അതിതീവ്ര മഴ. നാല് ജില്ലകളില് റെഡ് അലര്ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകള...
തിരുവനന്തപുരം: സംസ്ഥാനത്ത് ഇന്നും അതിതീവ്ര മഴ. നാല് ജില്ലകളില് റെഡ് അലര്ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് റെഡ് അലര്ട്ട്. തിരുവനന്തപുരം, കൊല്ലം, എറണാകുളം എന്നീ ജില്ലകളില് ഓറഞ്ച് അലര്ട്ടാണ്. മത്സ്യതൊഴിലാളികള് ഒരു കാരണവശാലും കടലില് പോകരുത്. ഉരുള്പൊട്ടല്, മണ്ണിടിച്ചില് സാധ്യത കണക്കിലെടുത്ത് മലയോരമേഖലകളില് അതീവ ജാഗ്രത വേണം. മറ്റന്നാളോടെ ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടേക്കും എന്നും കാലാവസ്ഥാ വകുപ്പ് മുന്നറിയിപ്പ് നല്കിയിട്ടുണ്ട്.
സംസ്ഥാനത്ത് ശക്തമായ മഴ തുടരുന്ന സാഹചര്യത്തില് ജില്ലകള്ക്ക് ജാഗ്രതാനിര്ദേശം നല്കിയതായി ആരോഗ്യമന്ത്രി വീണാ ജോര്ജ്. കാലാവസ്ഥാവ്യതിയാനം കാരണം നിരവധി പകര്ച്ചവ്യാധികള് ഉണ്ടാകാന് സാധ്യതയുണ്ട്. ആശുപത്രികള്ക്കും ജാഗ്രതാ നിര്ദേശം നല്കിയിട്ടുണ്ടെന്നും വെള്ളം കയറുന്ന ആരോഗ്യ സ്ഥാപനങ്ങള് ആവശ്യമായ ബദല് ക്രമീകരണങ്ങള് ഒരുക്കണമെന്നും മന്ത്രി പറഞ്ഞു.
അതേസമയം, സംസ്ഥാനത്തെ എല്ലാ കളക്ട്രേറ്റുകളിലും താലൂക്ക് ഓഫീസുകളിലും എമര്ജന്സി ഓപ്പറേഷന് സെന്റര് തുടങ്ങിയെന്ന് മന്ത്രി കെ രാജന് അറിയിച്ചു. മഴയുടെ പശ്ചാത്തലത്തില് വിവിധ വകുപ്പുകളെ ഏകോപിപ്പിച്ച് 24 മണിക്കൂറും പ്രവര്ത്തിക്കും. ആവശ്യമെങ്കില് ദുരിതാശ്വാസ ക്യാമ്പുകള് തുറക്കാന് നിര്ദ്ദേശം നല്കിയിട്ടുണ്ട്. ആശങ്ക വേണ്ടെന്നും അനാവശ്യ വിവരങ്ങള് പ്രചരിപ്പിക്കരുതെന്നും മന്ത്രി പറഞ്ഞു
Key Words: Heavy Rain, Kerala Weather, Red Alert
COMMENTS