തിരുവനന്തപുരം: സംസ്ഥാനത്ത് ശക്തമായ മഴ തുടരുന്ന സാഹചര്യത്തില് മഴക്കെടുതിയും റിപ്പോര്ട്ട് ചെയ്യുന്നു. തിരുവനന്തപുരത്ത് നിരവധി വീടുകളില് വെള...
തിരുവനന്തപുരം: സംസ്ഥാനത്ത് ശക്തമായ മഴ തുടരുന്ന സാഹചര്യത്തില് മഴക്കെടുതിയും റിപ്പോര്ട്ട് ചെയ്യുന്നു. തിരുവനന്തപുരത്ത് നിരവധി വീടുകളില് വെള്ളം കയറി. ഇടുക്കിയില് മണിമലയാറ്റില് ഇതര സംസ്ഥാന തൊഴിലാളിയെ കാണാതായി. അതിരപ്പിള്ളി, വാഴച്ചാല് വിനോദ സഞ്ചാര കേന്ദ്രങ്ങള് നാളെ മുതല് അടയ്ക്കും. മണിമലയാറ്റിലാണ് അതിഥി തൊഴിലാളിയെ ഒഴുക്കില്പെട്ട് കാണാതായത്. മല്ലപ്പള്ളി കോമളം കടവില് കുളിക്കാന് ഇറങ്ങിയതാണ്. മൂന്ന് അതിഥി തൊഴിലാളികളാണ് ഒഴുക്കില്പെട്ടത്. ഇവരില് രണ്ട് പേര് നീന്തിക്കയറി. ബിഹാര് സ്വദേശി നരേഷി(25)നെയാണ് കാണാതായത്.
ഇടുക്കി നെടുങ്കണ്ടം പാറത്തോട്ടിലാണ് ശക്തമായ മഴയിലും കാറ്റിലും മരം വീണു രണ്ടു പേര്ക്ക് പരിക്കേറ്റത്. മരം ജീപ്പിന് മുകളിലേക്ക് വീണാണ് അപകടം സംഭവിച്ചത്. പാറത്തോട് സ്വദേശികളായ മാരിമുത്തു(42), പെരിയസാമി(65) എന്നിവര്ക്കാണ് പരിക്കേറ്റത്. മാരിമുത്തു ജീപ്പ് ഡ്രൈവറാണ്. ഗുരുതരമായി പരിക്കേറ്റ പെരിയ സ്വാമിയെ തേനി മെഡിക്കല് കോളജ് ആശുപത്രിയിലേക്ക് കൊണ്ടുപോയി.
സംസ്ഥാനത്ത് വരുന്ന അഞ്ച് ദിവസം കൂടി ശക്തമായ മഴയുണ്ടാകുമെന്നാണ് മുന്നറിയിപ്പ്.
Key Words: Heavy Rain, Kerala
COMMENTS