തിരുവനന്തപുരം: ഒന്നാം പിണറായി സര്ക്കാരിന്റെ കാലത്ത് കണ്സള്ട്ടന്സി പേരില് വന്തോതില് പണമൊഴുക്കും അഴിമതിയും നടന്നു എന്ന് അന്നത്തെ പ്രതി...
തിരുവനന്തപുരം: ഒന്നാം പിണറായി സര്ക്കാരിന്റെ കാലത്ത് കണ്സള്ട്ടന്സി പേരില് വന്തോതില് പണമൊഴുക്കും അഴിമതിയും നടന്നു എന്ന് അന്നത്തെ പ്രതിപക്ഷ ആരോപണം ശരി വയ്ക്കുന്നതാണ് ഇപ്പോള് പുറത്തു വരുന്ന വിവരങ്ങളെന്ന് കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല പറഞ്ഞു.
ഒന്നാം പിണറായി സര്ക്കാരിന്റെ കാലത്ത് പ്രതിപക്ഷം തുറന്ന് കാട്ടിയ കമ്പനികളില് നിന്ന് തന്നെയാണ് വേണ്ടപ്പെട്ടവര്ക്ക് കോടികള് ലഭിച്ചതെന്ന് പ്രതിപക്ഷം അന്ന് പറഞ്ഞത് ശരിവെയ്ക്കുന്നതാണ് അന്വേഷണ എജന്സിയുടെ കണ്ടെത്തലെന്നും ഈ പണം അമേരിക്കയിലേക്കാണ് പോയതെങ്കില് ഇതിന് പിന്നില് സ്പ്രിംഗ്ളര് കമ്പനിയുടെ പങ്കുണ്ടോയെന്ന കാര്യം കൂടി അന്വേഷണ വിധേയമാക്കേണ്ടിയിരിക്കുന്നുവെന്നും ചെന്നിത്തല പറഞ്ഞു.
2016-19 കാലഘട്ടത്തില് അബുദാബിയിലെ ഒരു ബാങ്ക് അക്കൗണ്ടിലേക്ക് പി ഡബ്ളിയു സി, എസ് എന് സി ലാവ്ലിന് തടങ്ങിയ കമ്പനികള് വന്തോതില് പണം നിക്ഷേപിച്ചു എന്ന വിവരത്തിന്റെ അടിസ്ഥാനത്തില് സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് അന്വേഷണം നടത്തുന്നു എന്നാണ് പുറത്തു വന്നിട്ടുള്ള വിവരം. ഈ രണ്ടു കമ്പനികളും നേരത്തെ ഇടതു മുന്നണി സര്ക്കാരുകളുമായി ബന്ധപ്പെട്ട് വിവാദം സൃഷ്ടിച്ചിട്ടുള്ളവയാണ്. ഇപ്പോള് പുറത്തു വന്നിട്ടുള്ള വിവരം വളരെ സംശയകരമാണ്. ശരിയായ അന്വേഷണം നടന്നാല് ഞെട്ടിക്കുന്ന വിവരങ്ങള് പുറത്തു വരും. ഇതിന്റെയെല്ലാം സൂത്രധാരകന് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി ശിവശങ്കരനാണ് .ഈ അഴിമതിപ്പണം മന്ത്രിസഭയിലേയും പാര്ട്ടിയിലേ പലര്ക്കും പോയിട്ടുണ്ട്. സത്യസന്ധമായി അന്വേഷിച്ചാല് എല്ലാ വിവരങ്ങളും പുറത്ത് വരും.
നയതന്ത്ര ബാഗ് വഴിയുള്ള സ്വര്ണ്ണക്കടത്തിനും മുഖ്യമന്ത്രി ആദ്യമായി ദുബൈയില് പോയപ്പോള് ശിവശങ്കരന് നയതന്ത്ര ചാനല് വഴി ബാഗ് കൊണ്ട് പോയതിനും പിന്നിലെല്ലാം ദുരൂഹതയുണ്ട്. മസാല ബോണ്ട് മണിയടിലൂടെ ചില മന്ത്രിമാരുടെയും പോക്കറ്റുകളില് മണിയെത്തി എന്ന് വ്യക്തമാകുന്നതാണ് ലാവ് ലിന് കമ്പനിയില് നിന്നുള്ള പണമിടപാട്. ചുരുക്കത്തില് ഒന്നാം പിണറായി ഗവണ്മെന്റ് ഖജനാവ് കൊള്ളയടിക്കുകയാണ് ചെയ്തത്. അത് ഒരു പരിധി വരെ തടയാനായത് അന്നത്തെ പ്രതിപക്ഷത്തിന്റെ ശക്തമായ ഇടപെടല് കൊണ്ട് മാത്രമാണെന്നും ചെന്നിത്തല
Key Words: Ramesh Chennithala, Veena Vijayan
COMMENTS