തിരുവനന്തപുരം: ചെറിയ വേഷങ്ങളിലൂടെ മലയാളികളുടെ മനസ്സില് ഇടംപിടിച്ച കലാകാരി കനകലത അന്തരിച്ചു. 63 വയസ്സായിരുന്നു. വിവിധ ഭാഷകളിലായി 350-ലേറെ ച...
തിരുവനന്തപുരം: ചെറിയ വേഷങ്ങളിലൂടെ മലയാളികളുടെ മനസ്സില് ഇടംപിടിച്ച കലാകാരി കനകലത അന്തരിച്ചു. 63 വയസ്സായിരുന്നു. വിവിധ ഭാഷകളിലായി 350-ലേറെ ചിത്രങ്ങളില് അഭിനയിച്ചിട്ടുണ്ട്. മറവിരോഗത്തെത്തുടര്ന്ന് ചികിത്സയിലിരിക്കെ തിരുവനന്തപുരത്താണ് അന്ത്യം. പാര്ക്കിന്സണ്സും ഡിമെന്ഷ്യയുമാണ് കനകലതയെ തളര്ത്തിയത്.
ചില്ല്, കരിയിലക്കാറ്റുപോലെ, രാജാവിന്റെ മകന്, ജാഗ്രത, കിരീടം, എന്റെ സൂര്യപുത്രിക്ക്, കൗരവര്, അമ്മയാണെ സത്യം, ആദ്യത്തെ കണ്മണി, തച്ചോളി വര്ഗീസ് ചേകവര്, സ്ഫടികം, അനിയത്തിപ്രാവ്, ഹരികൃഷ്ണന്സ്, മാട്ടുപ്പെട്ടി മച്ചാന്, പ്രിയം, പഞ്ചവര്ണതത്ത, ആകാശഗംഗ 2 തുടങ്ങി മലയാളത്തിലും തമിഴിലുമായി 350-ലധികം ചിത്രങ്ങളില് അവര് തന്റെ വേഷങ്ങള് മികച്ചതാക്കി.
പൂക്കാലമാണ് അവസാനം പുറത്തിറങ്ങിയ ചിത്രം. മുപ്പതിലധികം സീരിയലുകളിലും കനകലത വേഷമിട്ടു. പ്രമാണി ഇന്ദുലേഖ, സ്വാതി തിരുനാള് തുടങ്ങിയ നാടകങ്ങളിലും കനക ലത അഭിനയിച്ചിട്ടുണ്ട്.
Key Words: Kanakalatha, Passed Away, Movie
COMMENTS