കാട്ടാനയുടെ ആക്രമണത്തില്‍ മാധ്യമപ്രവര്‍ത്തകന്‍ കൊല്ലപ്പെട്ടു

പാലക്കാട് : ആനയുടെ ആക്രമണത്തില്‍ മാധ്യമപ്രവര്‍ത്തകന്‍ മരിച്ചു. പാലക്കാട് മാതൃഭൂമി ന്യൂസ് ക്യാമറാമാന്‍ മുകേഷ് (34) ആണ് ആനയുടെ ആക്രമണത്തില്‍ മ...

പാലക്കാട് : ആനയുടെ ആക്രമണത്തില്‍ മാധ്യമപ്രവര്‍ത്തകന്‍ മരിച്ചു. പാലക്കാട് മാതൃഭൂമി ന്യൂസ് ക്യാമറാമാന്‍ മുകേഷ് (34) ആണ് ആനയുടെ ആക്രമണത്തില്‍ മരിച്ചത്.

മലമ്പുഴ പനമരക്കാടിന് സമീപം ഷൂട്ടിനിടെയാണ് ആനയുടെ ആക്രമണം. മൃതദേഹം പാലക്കാട് ജില്ലാ ആശുപത്രി മോര്‍ച്ചറിയില്‍.

കാട്ടാനക്കൂട്ടം പുഴ മുറിച്ചുകടക്കുന്നതിന്റെ ദൃശ്യം പകര്‍ത്തുന്നതിനിടെയാണ് ആനയുടെ ആക്രമണം ഉണ്ടായത്. ഉടന്‍ തന്നെ പാലക്കാട് ജില്ലാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. 

മലപ്പുറം പരപ്പനങ്ങാടി ചെട്ടിപ്പടി സ്വദേശി അവത്താന്‍ വീട്ടില്‍, ദേവിയുടേയും പരേതനായ ഉണ്ണിയുടേയും മകനാണ് മുകേഷ്. ഭാര്യ ടിഷ.

Key Words: Mathrubhoomi Camaraman, Died, Wild Animal Attack