തിരുവനന്തപുരം: സംസ്ഥാനത്ത് ഇന്ന് ഒരു ജില്ലയിലും മഴ മുന്നറിയിപ്പ് അലേര്ട്ടുകള് പ്രഖ്യാപിച്ചിട്ടില്ല. ശക്തമായ മഴ ഉണ്ടായിരിക്കില്ലെന്നും ചാറ്...
തിരുവനന്തപുരം: സംസ്ഥാനത്ത് ഇന്ന് ഒരു ജില്ലയിലും മഴ മുന്നറിയിപ്പ് അലേര്ട്ടുകള് പ്രഖ്യാപിച്ചിട്ടില്ല. ശക്തമായ മഴ ഉണ്ടായിരിക്കില്ലെന്നും ചാറ്റല് മഴ സാധ്യത മാത്രമാണ് ഉള്ളതെന്നും സംസ്ഥാന ദുരന്ത നിവാരണ അതോറിറ്റി വ്യക്തമാക്കുന്നു. അതേസമയം സംസ്ഥാനത്ത് ഉയര്ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്.
ഏപ്രില് 8 വരെ കൊല്ലം, പാലക്കാട് ജില്ലകളില് ഉയര്ന്ന താപനില 39°C വരെയും, തൃശൂര്, കോഴിക്കോട് ജില്ലകളില് ഉയര്ന്ന താപനില 38°C വരെയും, പത്തനംതിട്ട, കോട്ടയം, കണ്ണൂര് ജില്ലകളില് 37°C വരെയും, തിരുവനന്തപുരം, ആലപ്പുഴ, എറണാകുളം, മലപ്പുറം, കാസറഗോഡ് ജില്ലകളില് ഉയര്ന്ന താപനില 36°C വരെയും ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇത് സാധാരണയെക്കാള് 2 - 4 °C വരെ കൂടുതലായിരിക്കും.
മാത്രമല്ല, കള്ളക്കടല് പ്രതിഭാസത്തിന്റെ ഭാഗമായി കേരള തീരത്ത് ഇന്ന് രാത്രി 11.30 വരെ 0.5 മുതല് 1.2 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
Key Words: Rain, Weather Update
COMMENTS