തിരുവനന്തപുരം: കൊടും ചൂടില് കേരളം ചുട്ടുപൊള്ളുന്നു. ഇന്ന് സംസ്ഥാനത്ത് മൂന്ന് ജില്ലകളില് ഉഷ്ണ തരംഗ മുന്നറിയിപ്പ് തുടരുന്നു. പാലക്കാട്, തൃശൂ...
സാധാരണയേക്കാള് മൂന്ന് മുതല് അഞ്ച് ഡിഗ്രി സെല്ഷ്യസ് വരെ താപനില ഉയരാനാണ് സാധ്യതയുള്ളത്.വരും ദിവസങ്ങളിലും കേരളത്തിലുടനീളം താപനില ഉയരാനാണ് സാധ്യത. നിലവില് ഇടുക്കി, വയനാട് ജില്ലകളിലൊഴികെ സംസ്ഥാനത്ത് മറ്റിടങ്ങളിലെല്ലാം തന്നെ ഉയര്ന്ന താപനില മുന്നറിയിപ്പ് നിലനില്ക്കുന്നുണ്ട്. പാലക്കാട് ഇന്നലെ താപനില വീണ്ടും റെക്കോര്ഡിട്ടു. 41.3 ഡിഗ്രി സെല്ഷ്യസാണ് ഇന്നലെ മാത്രം രേഖപ്പെടുത്തിയത്.
നേരത്തെ ഏപ്രില് 29 മുതല് മെയ് 03 വരെ പാലക്കാട് ജില്ലയില് ഉയര്ന്ന താപനില 41°C വരെയും, കൊല്ലം, തൃശൂര് ജില്ലകളില് ഉയര്ന്ന താപനില 40°C വരെയും, കോഴിക്കോട് ജില്ലയില് ഉയര്ന്ന താപനില 39°C വരെയും, ആലപ്പുഴ, പത്തനംതിട്ട, കോട്ടയം, കണ്ണൂര് ജില്ലകളില് ഉയര്ന്ന താപനില 38°C വരെയും, എറണാകുളം, മലപ്പുറം, കാസര്ഗോഡ് ജില്ലകളില് ഉയര്ന്ന താപനില 37°C വരെയും, തിരുവനന്തപുരം ജില്ലയില് ഉയര്ന്ന താപനില 36°C വരെയും ഉയരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിരുന്നു.
Key Words: Heat Wave Alert, Hot Weather
COMMENTS