Second stage of Loksabha election notification
തിരുവനന്തപുരം: രണ്ടാംഘട്ട ലോക്സഭാ തെരഞ്ഞെടുപ്പ് നടക്കുന്ന കേരളം ഉള്പ്പെടെയുള്ള സംസ്ഥാനങ്ങളിലേക്കുള്ള തെരഞ്ഞെടുപ്പ് വിജ്ഞാപനം ഇന്ന് പുറത്തിറങ്ങും. ഏപ്രില് നാല് വരെ സ്ഥാനാര്ത്ഥികള്ക്ക് നാമ നിര്ദ്ദേശ പത്രിക സമര്പ്പിക്കാം. കേരളത്തിലെ 20 മണ്ഡലങ്ങള് ഉള്പ്പെടെ 98 മണ്ഡലങ്ങളില് ഏപ്രില് 26 ന് ആണ് തെരഞ്ഞെടുപ്പ് നടക്കുന്നത്.
സംസ്ഥാനത്ത് 20 ലോക്സഭാ മണ്ഡലങ്ങളിലേക്കും ബന്ധപ്പെട്ട റിട്ടേണിംഗ് ഓഫീസര്മാര്ക്കു മുമ്പാകെയാണ് പത്രിക സമര്പ്പിക്കേണ്ടത്. രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. ഏപ്രില് നാലിനാണ് അവസാന തീയതി.
സൂക്ഷ്മ പരിശോധന ഏപ്രില് അഞ്ചിന് നടക്കും. നാമനിര്ദേശ പത്രിക പിന്വലിക്കാനുള്ള അവസാന തീയതി ഏപ്രില് എട്ടാണ്. കൊല്ലത്തെ എല്.ഡി.എഫ് സ്ഥാനാര്ത്ഥിയായി എം.മുകേഷ് എംഎല്എ നാമനിര്ദ്ദേശപത്രിക സമര്പ്പിച്ചു.
ആദ്യഘട്ട തെരഞ്ഞെടുപ്പിനുള്ള നാമ നിര്ദ്ദേശ പത്രികകളുടെ സൂക്ഷ്മ പരിശോധന ഇന്ന് തുടങ്ങും. ഈ മാസം 30 ആണ് നാമനിര്ദേശ പത്രിക പിന്വലിക്കാനുള്ള അവസാന തീയതി. 102 മണ്ഡലങ്ങളിലേക്കാണ് ആദ്യഘട്ടത്തില് തെരഞ്ഞെടുപ്പ് നടക്കുന്നത്.
Keywords: Loksabha election, Second stage, Notification, Kerala, Today
COMMENTS