വാട്‌സ് ആപ്പ് വഴിയുള്ള `വികസിത ഭാരത്' സന്ദേശങ്ങള്‍ നിര്‍ത്തണം: കേന്ദ്ര സര്‍ക്കാരിനോട് തിരഞ്ഞെടുപ്പ് കമ്മീഷന്‍

Election Commission asks central government to stop Viksit Bharat messages on WhatsApp

 

ന്യൂഡല്‍ഹി: വാട്‌സ് ആപ്പ് വഴിയുള്ള `വികസിത ഭാരത്' സന്ദേശങ്ങള്‍ നിര്‍ത്തലാക്കാന്‍ കേന്ദ്ര സര്‍ക്കാരിന് തിരഞ്ഞെടുപ്പ് കമ്മീഷന്റെ നിര്‍ദ്ദേശം. ഇതു സംബന്ധിച്ച് റിപ്പോര്‍ട്ട് നല്‍കാന്‍ ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയത്തിനോട് തിരഞ്ഞെടുപ്പ് കമ്മീഷന്‍ നിര്‍ദ്ദേശിച്ചു. ഇതുസംബന്ധിച്ച് നിരവധി പരാതികള്‍ ലഭിച്ച സാഹചര്യത്തിലാണ് നടപടി. 

അതേസമയം തിരഞ്ഞെടുപ്പ് പ്രഖ്യാപിക്കുന്നതിന് മുന്‍പ് മാര്‍ച്ച് 15 നാണ് പ്രധാനമന്ത്രിയുടെ കത്ത് അടങ്ങിയ സന്ദേശം അയച്ചുതുടങ്ങിയതെന്നും സാങ്കേതിക തകരാര്‍ മുഖേന വൈകുകയായിരുന്നെന്നും ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയം തിരഞ്ഞെടുപ്പ് കമ്മീഷന് മറുപടി നല്‍കി. 

അതേസമയം കേന്ദ്ര സര്‍ക്കാരിന്റെ പ്രതികാര നടപടി കാരണം ഫണ്ടില്ലാതെ തിരഞ്ഞെടുപ്പ് പ്രവര്‍ത്തനങ്ങള്‍ തുടരാനാവുന്നില്ലെന്ന പരാതിയുമായി കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖര്‍ഗെ അടക്കം രംഗത്തെത്തി. സര്‍ക്കാര്‍ ഭരണസംവിധാനം ദുരുപയോഗം ചെയ്ത് തിരഞ്ഞെടുപ്പിനായി പ്രവര്‍ത്തിക്കുകയാണെന്നും തങ്ങളുടെ ഫണ്ടെല്ലാം തടസപ്പെടുത്തുകയുമാണെന്നാണ് കോണ്‍ഗ്രസ് ആരോപിക്കുന്നത്.

Keywords: Election Commission, Central government, Viksit  Bharat,  WhatsApp