രാഹുല്‍ മാങ്കൂട്ടത്തിലിന് എല്ലാ കേസിലും ജാമ്യം; ഉടന്‍ ജയില്‍ മോചിതനാകും

Bail for Rahul Mamkootathil

തിരുവനന്തപുരം: യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തിലിന് എല്ലാ കേസിലും ജാമ്യം ലഭിച്ചു. സെക്രട്ടേറിയറ്റ് മാര്‍ച്ചുമായി ബന്ധപ്പെട്ട് രാഹുലിനെതിരെ നാല് കേസുകളാണ് രജിസ്റ്റര്‍ ചെയ്തിരുന്നത്. 

ഇതില്‍ ഇന്നലെയും ഇന്നുമായാണ് നാലു കേസുകളിലും ജാമ്യം ലഭിച്ചത്. പൊലീസുകാരെ ഉപദ്രവിച്ചു, ഡി.ജി.പി ഓഫീസ് മാര്‍ച്ച് എന്നതടക്കമുള്ള ഗുരുതര വകുപ്പുകള്‍ ചുമത്തിയ കേസുകളിലാണ് ഇന്ന് ജാമ്യം ലഭിച്ചത്. 

ഇന്ന് ഉച്ചയ്ക്കുശേഷം രണ്ടു കേസുകളില്‍ കൂടി ജാമ്യം ലഭിച്ചതോടെയാണ് രാഹുലിന് ജയിലില്‍നിന്ന് പുറത്തിറങ്ങാനുള്ള വഴിയൊരുങ്ങിയത്. നേരത്തെ രണ്ടു കേസുകളില്‍ രാഹുലിന് ജാമ്യം ലഭിച്ചിരുന്നു.ഏറ്റവും ഒടുവിലായി ഇന്ന് വൈകിട്ട് സിജെഎം കോടതിയാണ് ജാമ്യം അനുവദിച്ചത്. അറസ്റ്റിലായി എട്ടാം ദിവസമാണ് രാഹുലിന് നാലു കേസുകളിലും ജാമ്യം ലഭിക്കുന്നത്. 

ഉപാധികളോടെയാണ് തിരുവനന്തപുരം ജില്ലാ സെഷന്‍സ് കോടതി ജാമ്യം അനുവദിച്ചത്. എല്ലാ ചൊവ്വാഴ്ചയും അന്വേഷണ ഉദ്യോഗസ്ഥന് മുന്‍പില്‍ ഹാജരാകണം, പൊതുമുതല്‍ നശിപ്പിച്ചതിന് കോടതി പറഞ്ഞ തുക കെട്ടിവയ്ക്കണം തുടങ്ങിയ ഉപാധികളോടെയാണ് ജാമ്യം. 

Keywords: Bail, Rahul Mamkootathil, Court, Police