കേരളത്തില്‍ നിന്നുള്ള അയോധ്യ ട്രെയിന്‍ ഇന്ന് പുറപ്പെടില്ല, സര്‍വീസ് ഒരാഴ്ച്ചത്തേക്ക് നീട്ടിവെച്ചു

തിരുവനന്തപുരം: കേരളത്തില്‍ നിന്നുള്ള അയോധ്യ ട്രെയിന്‍ ഇന്ന് പുറപ്പെടില്ല. ഇന്ന് 7.10ന് സര്‍വീസുകള്‍ ആരംഭിക്കും എന്നാണ് നേരത്തെ അറിയിച്ചിരുന്...

തിരുവനന്തപുരം: കേരളത്തില്‍ നിന്നുള്ള അയോധ്യ ട്രെയിന്‍ ഇന്ന് പുറപ്പെടില്ല. ഇന്ന് 7.10ന് സര്‍വീസുകള്‍ ആരംഭിക്കും എന്നാണ് നേരത്തെ അറിയിച്ചിരുന്നത്. എന്നാല്‍ അയോധ്യയില്‍ ക്രമീകരണങ്ങള്‍ പൂര്‍ത്തിയാകാത്തതിനാലാണ് സര്‍വീസ് നീട്ടി വെച്ചത്.

 പാലക്കാട് നിന്ന് പുറപ്പെടുന്ന അയോധ്യ ട്രെയിന്‍ 54 മണിക്കൂര്‍ 50 മിനിറ്റ് പിന്നിട്ട് മൂന്നാം ദിവസം പുലര്‍ച്ചെ രണ്ടിനാണ് അയോധ്യയിലെത്തുക. അന്ന് വൈകിട്ട് തന്നെ മടക്കയാത്രയും ആരംഭിക്കും. കോയമ്പത്തൂര്‍ വഴിയാണ് സര്‍വീസ്. ഫെബ്രുവരി 4, 9, 14, 19, 24, 29 തീയതികളിലും പാലക്കാട് നിന്ന് അയോധ്യയിലേയ്ക്ക് സര്‍വീസ് ഉണ്ട്.

തിരുനെല്‍വേലിയില്‍ നിന്ന് ഫെബ്രുവരി ഒന്നിന് അയോധ്യയിലേക്ക് പുറപ്പെടുന്ന ട്രെയിന് കേരളത്തില്‍ തിരുവനന്തപുരം, കോട്ടയം, എറണാകുളം ടൗണ്‍, ഷൊര്‍ണൂര്‍, കോഴിക്കോട് എന്നിവിടങ്ങളില്‍ സ്റ്റോപ്പുണ്ട്.

Key Words: Ayodhya, Train, Kerala, Delay