തിരുവനന്തപുരം: രാജ്യത്തെ ഏറ്റവും അധികം കോവിഡ് കേസുകള് കേരളത്തില് റിപ്പോര്ട്ട് ചെയ്ത സാഹചര്യത്തില് ചേര്ന്ന ഉന്നതതലയോഗം രോഗ വ്യാപനം നിയന്...
തിരുവനന്തപുരം: രാജ്യത്തെ ഏറ്റവും അധികം കോവിഡ് കേസുകള് കേരളത്തില് റിപ്പോര്ട്ട് ചെയ്ത സാഹചര്യത്തില് ചേര്ന്ന ഉന്നതതലയോഗം രോഗ വ്യാപനം നിയന്ത്രണ വിധേയമെന്ന നിഗമനത്തില്.
അതേസമയം, കോവിഡ് വ്യാപനത്തിന്റെ പശ്ചാത്തലത്തില് ആശുപത്രികളില് മാസ്ക് നിര്ദേശം. ആരോഗ്യ പ്രവര്ത്തകരും ആശുപത്രികളില് എത്തുന്ന രോഗികളും മാസ്ക് ഉപയോഗിക്കണമെന്നാണ് നിര്ദേശം. മാസ്ക് നിര്ബന്ധമാക്കിയിട്ടില്ലെങ്കിലും മുന്കരുതലായും രോഗ വ്യാപനം തടയാനുമാണിതെന്ന് നിര്ദേശത്തില് പറയുന്നു.
എറണാകുളം, തിരുവനന്തപുരം ജില്ലകളിലാണ് കോവിഡ് കേസുകളില് വര്ധനവുള്ളത്. ഇവിടങ്ങളില് പ്രത്യേക ശ്രദ്ധ ആവശ്യമാണെന്നും യോഗത്തില് നിര്ദേശമുയര്ന്നു.
ആവശ്യത്തിന് ഐസൊലേഷന്, ഐ സി യു ബെഡുകള് ഉറപ്പാക്കണമെന്നും യോഗം നിര്ദേശം നല്കി. മരണ കണക്കില് ആശങ്ക വേണ്ടെന്നും യോഗം വ്യക്തമാക്കി. റാന്ഡം പരിശോധന നടത്തേണ്ടെന്നും രോഗലക്ഷണങ്ങള് ഉള്ളവരില് മാത്രം പരിശോധന നടത്തിയാല് മതിയെന്നും ഉന്നത തല യോഗം നിര്ദേശിച്ചു.
Key words: Covid, Kerala, Alert, Control, Mask
COMMENTS