വ്യാജ സന്ദേശങ്ങള്ക്ക് യാതൊരു പഞ്ഞവുമില്ലാത്ത കാലത്താണ് നാമിപ്പോള്. തട്ടിപ്പു വീരന്മാര്ക്ക് ഏറ്റവും വലിയ ആയുധമാണ് ഫോണിലേക്ക് അയ്ക്കുന്ന വ്...
വ്യാജ സന്ദേശങ്ങള്ക്ക് യാതൊരു പഞ്ഞവുമില്ലാത്ത കാലത്താണ് നാമിപ്പോള്. തട്ടിപ്പു വീരന്മാര്ക്ക് ഏറ്റവും വലിയ ആയുധമാണ് ഫോണിലേക്ക് അയ്ക്കുന്ന വ്യാജ സന്ദേശങ്ങള്. അത്തരത്തില് ഇക്കഴിഞ്ഞ ദിവസങ്ങളില് ഇന്ത്യാ പോസ്റ്റ് പെയ്മെന്റ് ബാങ്ക് അക്കൗണ്ടുമായി ബന്ധപ്പെട്ട ഒരു മെസേജ് പലര്ക്കും വന്നിരുന്നു.
'ഇന്ത്യാ പോസ്റ്റ് പെയ്മെന്റ് ബാങ്ക് കെവൈസി ലോഗിന്' എന്ന തലക്കെട്ടിലുള്ള ലിങ്ക് സഹിതമാണ് സന്ദേശം മൊബൈല് ഫോണുകളിലേക്ക് വരുന്നത്. 'നിങ്ങളുടെ ഇന്ത്യാ പോസ്റ്റ് പെയ്മെന്റ് ബാങ്ക് അക്കൗണ്ട് ഇന്ന് ബ്ലോക്ക് ചെയ്യപ്പെടും. അതിനാല് പാന് കാര്ഡ് വിവരങ്ങള് ഉടനടി അപ്ഡേറ്റ് ചെയ്യുക. ഇതിനായി താഴെ കൊടുത്തിരിക്കുന്ന ലിങ്കില് ക്ലിക്ക് ചെയ്യുക' എന്നും പറഞ്ഞാണ് സന്ദേശം വ്യാപകമായിരിക്കുന്നത്.
എന്നാല് ഈ സന്ദേശം വ്യാജമാണ് എന്നതാണ് യാഥാര്ഥ്യം. ഇത് സംബന്ധിച്ച് പ്രസ് ഇന്ഫര്മേഷന് ബ്യൂറോയുടെ ഫാക്ട് ചെക്ക് വിഭാഗം ജാഗ്രതാ നിര്ദേശം പുറപ്പെടുവിച്ചിട്ടുണ്ട്. 'ഇന്ത്യാ പോസ്റ്റ് ഇത്തരം സന്ദേശങ്ങള് ഒരിക്കലും അക്കൗണ്ട് ഉപഭോക്താക്കള്ക്ക് അയയ്ക്കാറില്ല. ഇത്തരം വ്യാജ സന്ദേശങ്ങള് കണ്ട് വ്യക്തിവിവരങ്ങളും ബാങ്ക് അക്കൗണ്ട് വിവരങ്ങളും ആരുമായും പങ്കുവെയ്ക്കാനും പാടില്ല' എന്നും പ്രസ് ഇന്ഫര്മേഷന് ബ്യൂറോ പറയുന്നു. ഇന്ത്യാ പോസ്റ്റിന്റെ പേരില് പ്രചരിക്കുന്ന ലിങ്ക് വ്യാജമാണ്. ഈ ലിങ്കില് ക്ലിക്ക് ചെയ്താല് നിങ്ങള് വഞ്ചിക്കപ്പെടാനാണ് സാധ്യതയെന്നുമാണ് മുന്നറിയിപ്പ്.
COMMENTS