ന്യൂഡല്ഹി: ഇന്ധനം ഇല്ലാതായതോടെ പ്രവര്ത്തനം നിലയ്ക്കാറായ ഗാസയിലെ അല് ഷിഫ ആശുപത്രിയില് നിന്നുള്ള നടുക്കുന്ന ദൃശ്യങ്ങള് പുറത്ത്. വൈദ്യുതി ...
ന്യൂഡല്ഹി: ഇന്ധനം ഇല്ലാതായതോടെ പ്രവര്ത്തനം നിലയ്ക്കാറായ ഗാസയിലെ അല് ഷിഫ ആശുപത്രിയില് നിന്നുള്ള നടുക്കുന്ന ദൃശ്യങ്ങള് പുറത്ത്. വൈദ്യുതി ബന്ധം താറുമാറായതോടെ ഇന്ക്യുബേറ്ററിലായിരുന്ന നവജാത ശിശുശക്കളെ പുറത്തേക്ക് മാറ്റി കിടത്തിയിരിക്കുന്ന ദൃശ്യങ്ങളാണ് പുറത്തുവന്നത്.
രണ്ട് കുഞ്ഞുങ്ങള് മരിച്ചെന്നും, കൂടുതല് പേരുടെ കാര്യത്തില് ആശങ്കയുണ്ടെന്നും ഡോക്ടര്മാര് പറയുന്ന വീഡിയോയും അല്ജസീറ അടക്കമുള്ള മാധ്യമങ്ങള് പുറത്ത് വിട്ടു. ഇന്ധനം ഇല്ലാതായതോടെ, പ്രവര്ത്തനം അവസാനിപ്പിക്കുകയാണെന്ന് ഗാസയിലെ മറ്റൊരു ആശുപത്രിയായ അല് ഖുദ്സും അറിയിച്ചു.
അല് ഷിഫ ആശുപത്രിയുമായുള്ള എല്ലാ വാര്ത്താ വിനിമയ സംവിധാനവും നഷ്ടമായതായും ലോകാരോഗ്യ സംഘടന മേധാവിയും അറിയിച്ചു.
അതേസമയം, അടിയന്തര വൈദ്യ ആവശ്യങ്ങള്ക്കായി തങ്ങളുടെ സൈന്യം 300 ലിറ്റര് ഇന്ധനം അല് ഷിഫ ഹോസ്പിറ്റലില് എത്തിച്ചതായി ഇസ്രായേല് ഡിഫന്സ് ഫോഴ്സ് (ഐഡിഎഫ്) അറിയിച്ചു. എന്നാല്, ഇന്ധനം സ്വീകരിക്കുന്നതില് നിന്ന് ഹമാസ് ആശുപത്രിയെ തടഞ്ഞുവെന്നും അവര് വ്യക്തമാക്കിയിട്ടുണ്ട്.
Key words: Al Shifa, Hospital , New Born, Death, Gaza, War
COMMENTS