കൊച്ചി: കളമശ്ശേരി കുസാറ്റ് ക്യാമ്പസില് ഗാനമേളയ്ക്കിടെ ഉണ്ടായ അപകടത്തില് നാല് വിദ്യാര്ത്ഥികള് മരണമടഞ്ഞതില് മന്ത്രിമാര് യോഗം ചേര്ന്ന് അ...
കൊച്ചി: കളമശ്ശേരി കുസാറ്റ് ക്യാമ്പസില് ഗാനമേളയ്ക്കിടെ ഉണ്ടായ അപകടത്തില് നാല് വിദ്യാര്ത്ഥികള് മരണമടഞ്ഞതില് മന്ത്രിമാര് യോഗം ചേര്ന്ന് അനുശോചനം രേഖപ്പെടുത്തി.
മുഖ്യമന്ത്രി പിണറായി വിജയന്റെ അധ്യക്ഷതയില് കോഴിക്കോട് ഗവ. ഗസ്റ്റ് ഹൗസില് രാത്രി 8:30 നാണ് മന്ത്രിമാരുടെ അടിയന്തരയോഗം ചേര്ന്നത്.
ദുഃഖ സൂചകമായി ഞായറാഴ്ച നവകേരള സദസ്സോടനുബന്ധിച്ചുള്ള ആഘോഷ പരിപാടികളും കലാപരിപാടികളും ഒഴിവാക്കി.
വ്യവസായ മന്ത്രി പി രാജീവിനെയും ഉന്നത വിദ്യാഭ്യാസ മന്ത്രി ഡോ. ആര് ബിന്ദുവിനെയും കളമശ്ശേരിയിലേക്ക് നിയോഗിച്ചു. അവര് പ്രവര്ത്തനങ്ങള് ഏകോപിപ്പിക്കും.
ആരോഗ്യമന്ത്രി വീണ ജോര്ജ് ചികിത്സ ഉറപ്പാക്കുന്നതുമായി ബന്ധപ്പെട്ട കാര്യങ്ങള് ഏകോപിപ്പിക്കും. പരിക്കേറ്റവര്ക്ക് ആവശ്യമായ ചികിത്സ ഉറപ്പാക്കാന് മുഖ്യമന്ത്രി നിര്ദ്ദേശം നല്കി.
Key words: Kusat, Accident
COMMENTS