കൊച്ചി: കേരളത്തെ നടുക്കിയ ആലുവ പീഡന കൊലപാതക കേസില് പ്രതി ബിഹാര് സ്വദേശി അസ്ഫാക് ആലത്തിനുള്ള ശിക്ഷ ഇന്ന് വിധിക്കും. എറണാകുളം പോക്സോ കോടതി ...
കൊച്ചി: കേരളത്തെ നടുക്കിയ ആലുവ പീഡന കൊലപാതക കേസില് പ്രതി ബിഹാര് സ്വദേശി അസ്ഫാക് ആലത്തിനുള്ള ശിക്ഷ ഇന്ന് വിധിക്കും. എറണാകുളം പോക്സോ കോടതി ജഡ്ജി കെ സോമനാണ് ശിക്ഷ വിധിക്കുക. അസ്ഫാക് ആലത്തിനെതിരെ ചുമത്തിയ മുഴുവന് കുറ്റങ്ങളും തെളിയിക്കാന് പ്രോസിക്യൂഷന് കഴിഞ്ഞിരുന്നു. അപൂര്വങ്ങളില് അപൂര്വമായ കേസാണിതെന്ന് പ്രോസിക്യൂഷന് വാദമുന്നയിച്ചു. പ്രതിക്ക് വധശിക്ഷ നല്കണമെന്നും പ്രോസിക്യൂഷനുവേണ്ടി ഹാജരായ സ്പെഷ്യല് പ്രോസിക്യൂട്ടര് അഡ്വ. ജി. മോഹന്രാജ് വാദിച്ചു.
കൊലക്കുറ്റം, തട്ടിക്കൊണ്ടുപോകല്, പീഡനം, മൃതദേഹത്തോട് അനാദരവ്, തെളിവു നശിപ്പിക്കല് തുടങ്ങി 13 വകുപ്പുകളിലാണ് എറണാകുളം പോക്സോ കോടതി അസ്ഫാക് ആലം കുറ്റക്കാരനെന്ന് കണ്ടെത്തിയത്.
ജൂലായ് 28-നാണ് പെണ്കുട്ടിയെ ആലുവ മാര്ക്കറ്റിന് പിന്നിലെ മാലിന്യക്കൂമ്പാരത്തില് മരിച്ചനിലയില് കണ്ടെത്തിയത്. ഇതര സംസ്ഥാന തൊഴിലാളിയുടെ മകളായ അഞ്ചു വയസുകാരിയെ പ്രതി അസ്ഫാഖ് ആലം ക്രൂരമായി ബലാത്സംഗം ചെയ്ത് കൊലപ്പെടുത്തുകയായിരുന്നു. സംഭവം നടന്ന് 110-ാം ദിവസമാണ് ശിക്ഷാ വിധി.
പ്രായം പരിഗണിക്കണമെന്നും മാനസാന്തരത്തിന് അവസരം നല്കണമെന്നും പ്രതിഭാഗം വാദമുന്നയിച്ചു. പ്രതിയുടെ മനോനില, ജയിലിലെ പെരുമാറ്റം തുടങ്ങിയ കാര്യങ്ങളില് കോടതി നേരത്തേ റിപ്പോര്ട്ട് തേടിയിരുന്നു.
Key words: Asfaq Alam, Aluva Case, Verdict
COMMENTS