തിരുവനന്തപുരം: സംസ്ഥാനത്ത് എ ഐ ക്യാമറകള് സ്ഥാപിച്ച ശേഷം അപകടങ്ങള് കുറഞ്ഞെന്ന മുഖ്യമന്ത്രിയുടെയും ഗതാഗതമന്ത്രിയുടെയും വാദം പച്ചക്കള്ളമാണെന...
തിരുവനന്തപുരം: സംസ്ഥാനത്ത് എ ഐ ക്യാമറകള് സ്ഥാപിച്ച ശേഷം അപകടങ്ങള് കുറഞ്ഞെന്ന മുഖ്യമന്ത്രിയുടെയും ഗതാഗതമന്ത്രിയുടെയും വാദം പച്ചക്കള്ളമാണെന്ന് ശക്തമായി ആഞ്ഞടിച്ച് പ്രതിപക്ഷനേതാവ് വി.ഡി സതീശന്. നിയമസഭയിലും പുറത്തും ഈ കള്ളം ആവര്ത്തിച്ചത് കൂടാതെ സര്ക്കാര് ഹൈക്കോടതിയെ തെറ്റിദ്ധരിപ്പിക്കുകയും ചെയ്തെന്നും സതീശന്. കള്ളക്കണക്ക് നല്കി ഹൈക്കോടതിയെ കബളിപ്പിക്കാന് ശ്രമിച്ച ഗതാഗതമന്ത്രി സത്യപ്രതിജ്ഞാലംഘനമാണ് നടത്തിയത്. ഒരു നിമിഷം പോലും സ്ഥാനത്ത് തുടരാന് അദ്ദേഹം അര്ഹനല്ല. ഗതാഗതമന്ത്രി രാജിവച്ചൊഴിയണമെന്നും സതീശന് ആവശ്യപ്പെട്ടു.
എ.ഐ ക്യാമറയുടെ പേരില് നടന്ന കൊള്ള മറച്ചുവയ്ക്കാനാണ് റോഡ് അപകടങ്ങളില് കുറവുണ്ടായെന്ന വ്യാജ പ്രചരണം സര്ക്കാര് ബോധപൂര്വം നടത്തുന്നത്. അഴിമതിയില് മുഖ്യമന്ത്രിയുടെ ബന്ധുക്കള്ക്ക് വരെ പങ്കുണ്ടെന്ന് തെളിയിക്കുന്ന രേഖകള് സഹിതമാണ് പ്രതിപക്ഷം ആരോപണം ഉന്നയിച്ചത്. എന്നിട്ടും മറുപടി നല്കാനോ നടപടികള് സ്വീകരിക്കാനോ മുഖ്യമന്ത്രിയോ സര്ക്കാരോ തയാറാകാത്ത സാഹചര്യത്തിലാണ് പ്രതിപക്ഷം കോടതിയെ സമീപിച്ചത്. കോടതിയുടെ പരിഗണനയിലുള്ള ഈ കേസിനെ ദുര്ബലപ്പെടുത്തുകയെന്ന ഗൂഡലക്ഷ്യത്തോടെയാണോ വ്യാജക്കണക്കുകള് നിര്മ്മിച്ചതെന്നും സംശയിക്കേണ്ടിയിരിക്കുന്നതായും വി ഡി സതീശന് പറഞ്ഞു.
Keywords: AI camera, V.D Satheesan, Accident, Antony Raju
COMMENTS