തിരുവനന്തപുരം: മുഖ്യമന്ത്രിയുടെ ശാസ്ത്ര ഉപദേഷ്ടാവായ എം സി ദത്തനെ വിമര്ശിച്ച് ബി ജെ പി സംസ്ഥാന പ്രസിഡന്റ് കെ സുരേന്ദ്രന്. പണിയുണ്ടായിരുന്ന ...
തിരുവനന്തപുരം: മുഖ്യമന്ത്രിയുടെ ശാസ്ത്ര ഉപദേഷ്ടാവായ എം സി ദത്തനെ വിമര്ശിച്ച് ബി ജെ പി സംസ്ഥാന പ്രസിഡന്റ് കെ സുരേന്ദ്രന്. പണിയുണ്ടായിരുന്ന കാലത്ത് ഒരു പണിയുമെടുക്കാതെ കൊടിയുമെടുത്ത് നടന്നവരെയൊക്കെ ഉപദേഷ്ടാക്കളാക്കി വെച്ചെന്നാണ് സുരേന്ദ്രന്റെ വിമര്ശനം.
വീണ്ടും പണിയൊന്നുമെടുക്കാതെ ഖജനാവ് തിന്നുമുടിക്കുന്നവര്, പണിയെടുത്ത് ജീവിക്കുന്നവനോടു ചോദിക്കുന്നു നിനക്കൊന്നും വേറെ പണിയില്ലേയെന്ന്. സെക്രട്ടറിയേറ്റു നടയില് കണ്ടത് കേരളം തിന്നു തീര്ക്കാന് ദത്തെടുത്തവരുടെ ദുര്ന്നടപ്പെന്ന് സുരേന്ദ്രന് ഫേസ്ബുക്കില് കുറിച്ചു.
മുഖ്യമന്ത്രിയുടെ ശാസ്ത്ര ഉപദേഷ്ടാവായ എം സി ദത്തനെ യു ഡി എഫിന്റെ സെക്രട്ടറിയേറ്റ് ഉപരോധത്തിനിടെ ഇന്ന് രാവിലെ ആളറിയാതെ പോലീസ് തടഞ്ഞിരുന്നു. പിന്നീട് മാധ്യമപ്രവര്ത്തകര് ഇടപെട്ടപ്പോള് ആളെ മനസിലായതോടെ കടത്തി വിടുകയായിരുന്നു.
എന്നാല് ഇതേക്കുറിച്ച് ചോദിച്ച മാധ്യമ പ്രവര്ത്തകരോട് ദത്തന് മോശമായി പെരുമാറിയ സംഭവത്തിലാണ് കെ സുരേന്ദ്രന്റെ പ്രതികരണം.
Keywords: M.C Dathen, K Surendran, Pinarayi Vijayan
COMMENTS