ദേവപൂജ കഴിയുംവരെ ആരെയും തൊടില്ലെങ്കില്‍ പൂജാരി എന്തിനാണ് ശ്രീകോവിലില്‍നിന്ന് പുറത്തിറങ്ങിയത്, മറുപടിയുമായി മന്ത്രി

തിരുവനന്തപുരം: ദേവപൂജ കഴിയുംവരെ ആരെയും തൊടില്ലെങ്കില്‍ പൂജാരി എന്തിനാണ് ശ്രീകോവിലില്‍നിന്ന് പുറത്തിറങ്ങിയതെന്ന് ദേവസ്വം വകുപ്പുമന്ത്രി കെ. ര...

തിരുവനന്തപുരം: ദേവപൂജ കഴിയുംവരെ ആരെയും തൊടില്ലെങ്കില്‍ പൂജാരി എന്തിനാണ് ശ്രീകോവിലില്‍നിന്ന് പുറത്തിറങ്ങിയതെന്ന് ദേവസ്വം വകുപ്പുമന്ത്രി കെ. രാധാകൃഷ്ണന്‍. അയിത്തം പറഞ്ഞ് മാറ്റി നിര്‍ത്തിയ സംഭവത്തില്‍ താന്‍ ആദ്യമായല്ല അമ്പലത്തില്‍ പോകുന്നതെന്നും മറ്റെവിടെയും കാണാത്ത പ്രത്യേകതയാണ് അവിടെ കണ്ടതെന്നും മന്ത്രി പറഞ്ഞു.

യോഗക്ഷേമ സഭയ്ക്കും തന്ത്രി സമാജത്തിനും മറുപടിയായാണ് മന്ത്രി ഇക്കാര്യം പറഞ്ഞത്.

ആദ്യമായി അമ്പലത്തില്‍ പോകുന്ന ആളല്ല ഞാന്‍, നിരവധി അമ്പലങ്ങളില്‍ പോയിട്ടുണ്ട്. അവിടെയൊന്നും കാണാത്ത പ്രത്യേകതയാണ് ഇവിടെ കണ്ടത്. വിളക്കു തരാനായി പൂജാരി വരുന്നത് ചിത്രത്തിലും കാണാമല്ലോ. പുറത്തുവന്ന് ജനങ്ങള്‍ക്കിടയില്‍ വച്ചാണ് കത്തിക്കുന്നത്. അപ്പോള്‍ അവരെ തൊട്ടിട്ടല്ലേ പൂജാരി അകത്തേക്കു പോയത്.

അതു ശരിയാണോ. അവിടെവച്ച് പൈസ നല്‍കിയാല്‍ പൂജാരി അതു വാങ്ങി അകത്തേക്കു കൊണ്ടുപോകില്ലേയെന്നും മന്ത്രി ചോദിച്ചു.

Keywords: R. Radhakrishnan, Kerala