തിരുവനന്തപുരം: സംസ്ഥാനത്ത് ശക്തമായ മഴ തുടരുന്ന സാഹചര്യത്തില് പകര്ച്ചപ്പനിക്കെതിരെ ആരോഗ്യ വകുപ്പ് ജാഗ്രതാ നിര്ദേശം നല്കി. പകര്ച്ചപ്പനിക...
തിരുവനന്തപുരം: സംസ്ഥാനത്ത് ശക്തമായ മഴ തുടരുന്ന സാഹചര്യത്തില് പകര്ച്ചപ്പനിക്കെതിരെ ആരോഗ്യ വകുപ്പ് ജാഗ്രതാ നിര്ദേശം നല്കി. പകര്ച്ചപ്പനികള് തുടരുന്ന സാഹചര്യത്തില് പ്രത്യേകം ശ്രദ്ധിക്കണം. ആശുപത്രികള്ക്കും ജാഗ്രതാ നിര്ദേശം നല്കിയിട്ടുണ്ട്.
വെള്ളം കയറുന്ന ആരോഗ്യ സ്ഥാപനങ്ങള് ആവശ്യമായ ബദല് ക്രമീകരണം ഒരുക്കണം. മരുന്നുകളുടെ ലഭ്യത ഉറപ്പാക്കാന് നിര്ദേശം നല്കിയിട്ടുണ്ട്.
മഴ തുടരുന്നതിനാല് ഡെങ്കിപ്പനിയ്ക്കും എലിപ്പനിയ്ക്കും സാധ്യതയുണ്ട്. കൊതുകുകടി ഏല്ക്കാതിരിക്കാന് ശ്രദ്ധിക്കണം. കൊതുകിന്റെ ഉറവിടങ്ങള് നശിപ്പിക്കാനുള്ള നടപടി സ്വീകരിക്കണം.
എലിപ്പനി പ്രതിരോധം പ്രധാനമാണ്. ചെളിയിലോ മലിനജലത്തിലോ കെട്ടിക്കിടക്കുന്ന മഴവെള്ളത്തിലോ ഇറങ്ങിയാല് നിര്ബന്ധമായും എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കേണ്ടതാണ്.
വയറിളക്ക രോഗങ്ങള്ക്കും സാധ്യത ഉള്ളതിനാല് അതീവ ശ്രദ്ധ വേണം. തിളപ്പിച്ചാറ്റിയ വെള്ളം മാത്രമേ കുടിക്കാവൂ. ആഹാരവും വെള്ളവും അടച്ച് സൂക്ഷിക്കണം. പനി ബാധിച്ചാല് സ്വയം ചികിത്സ പാടില്ല. എത്രയും വേഗം ആശുപത്രിയിലെത്തി ചികിത്സ തേടണം.
Keywords: Fever, Kerala, Alert
COMMENTS