'ഖുഷി'യിലെ നാലാമത്തെ ഗാനം എത്തി

 'മഹാനടി' എന്ന ചിത്രത്തിനുശേഷം സമാന്തയും വിജയ് ദേവരകൊണ്ടയും ഒന്നിക്കുന്ന രണ്ടാമത്തെ ചിത്രമാണ് 'ഖുഷി'. ചിത്രം പ്രഖ്യാപിച്ചപ്പ...

 'മഹാനടി' എന്ന ചിത്രത്തിനുശേഷം സമാന്തയും വിജയ് ദേവരകൊണ്ടയും ഒന്നിക്കുന്ന രണ്ടാമത്തെ ചിത്രമാണ് 'ഖുഷി'. ചിത്രം പ്രഖ്യാപിച്ചപ്പോള്‍ മുതല്‍ ആരാധകര്‍ കാത്തിരുന്ന ചിത്രമാണ് ഖുശി. ആദ്യത്തെ മൂന്നു ഗാനങ്ങള്‍ പോലെ 'ഖുഷി'യിലെ നാലാമത്തെ ഗാനവും ആരാധകര്‍ ഏറ്റെടുത്തു. ഹിഷാം അബ്ദുള്‍ വഹാബ് ആണ് പാട്ടിന് ഈണമൊരുക്കിയത്. 'വിജനമൊരു തീരം' എന്നു തുടങ്ങുന്ന ഗാനത്തിന് അരുണ്‍ ഏളാട്ട് വരികള്‍ കുറിച്ചു. കെ.എസ്.ഹരിശങ്കറും ദിവ്യ.എസ്.മേനോനും ചേര്‍ന്നാണു ഗാനം ആലപിച്ചത്. 

സമാന്തയും വിജയ് ദേവരകൊണ്ടയും തമ്മിലുള്ള പ്രണയരംഗങ്ങളാണ് പാട്ടില്‍ ആവിഷ്‌കരിച്ചിരിക്കുന്നത്. ചിത്രത്തിലെ നേരത്തേ പുറത്തിറങ്ങിയ 'എന്‍ റോജ നീയേ', 'ആരാധ്യ' എന്നീ ഗാനങ്ങളും മികച്ച പ്രേക്ഷകസ്വീകാര്യത നേടിയിരുന്നു. 'മജിലി', 'ടക്ക് ജഗദീഷ്' തുടങ്ങിയ ചിത്രങ്ങള്‍ ഒരുക്കിയ ശിവ നിര്‍വാണ ചിത്രത്തിന്റെ കഥയും തിരക്കഥയും സംവിധാനവും നിര്‍വഹിക്കുന്നു. മൈത്രി മൂവി മേക്കേഴ്സ് ആണ് ചിത്രത്തിന്റെ നിര്‍മാണം. സെപ്റ്റംബര്‍ 1 ന് 'ഖുഷി' തിയറ്ററുകളില്‍ എത്തും.

Keywords: Khushi, Vijay Devarakonda, Samantha, Song