കേരള ബ്ലാസ്റ്റേഴ്‌സ് യു എ ഇയിലേക്ക്

കേരള ബ്ലാസ്റ്റേഴ്‌സ് എഫ് സി അടുത്ത മാസം യു എ യിലേക്ക്. സെപ്റ്റംബര്‍ 5 മുതല്‍ 16 വരെ പതിനൊന്ന് ദിവസം നീണ്ടുനില്‍ക്കുന്ന പരിശീലന ക്യാമ്പാണ് ബ്...

കേരള ബ്ലാസ്റ്റേഴ്‌സ് എഫ് സി അടുത്ത മാസം യു എ യിലേക്ക്. സെപ്റ്റംബര്‍ 5 മുതല്‍ 16 വരെ പതിനൊന്ന് ദിവസം നീണ്ടുനില്‍ക്കുന്ന പരിശീലന ക്യാമ്പാണ് ബ്ലാസ്റ്റേഴ്‌സിന് യു എ ഇയിലുള്ളത്. പ്രീ-സീസണ്‍ ഒരുക്കങ്ങളുടെ അവസാന ഘട്ടമായാണ് യാത്ര. 

യു എ ഇ പ്രോ-ലീഗ് ക്ലബ്ബുകളുമായി മൂന്ന് സൗഹൃദ മത്സരങ്ങളും ഈ കാലയളവില്‍ കേരള ബ്ലാസ്റ്റേഴ്‌സ് എഫ്‌സി കളിക്കും. പുതിയ അന്തരീക്ഷവുമായി ടീം അംഗങ്ങള്‍ക്ക് പൊരുത്തപ്പെടാനും ടീമിന്റെ മികവ് വിലയിരുത്താനും യു എ ഇ പര്യടനം അവസരമൊരുക്കുമെന്നാണ് പ്രതീക്ഷ. 

സെപ്റ്റംബര്‍ 9ന് അല്‍ വാസല്‍ എഫ്‌സിക്കെതിരെയാണ് സബീല്‍ സ്റ്റേഡിയത്തില്‍ കേരള ബ്ലാസ്റ്റേഴ്‌സിന്റെ ആദ്യ സൗഹൃദ മത്സരം. സെപ്റ്റംബര്‍ 12ന് ഷാര്‍ജ ഫുട്‌ബോള്‍ സ്റ്റേഡിയത്തില്‍ ഷാര്‍ജ ഫുട്‌ബോള്‍ ക്ലബ്ബിനെയും സെപ്റ്റംബര്‍ 15ന് കഴിഞ്ഞ വര്‍ഷത്തെ പ്രോ ലീഗ് ചാംപ്യന്മാരായ അല്‍ അഹ്ലിയെയും നേരിടും. ഷഹാബ് അല്‍ അഹ്ലി സ്റ്റേഡിയം അല്‍ അവിര്‍ ദുബായിലാണ് ബ്ലാസ്റ്റേഴ്‌സിന്റെ അല്‍ അഹ്ലിക്കെതിരായ പോരാട്ടം. 

Keywords: Kerala Blasters , UAE.