പോപ്പുലര്‍ ഫ്രണ്ട് കേന്ദ്രം എന്‍.ഐ.എ കണ്ടുകെട്ടിയത് സര്‍ക്കാരിന്റെ മുഖത്തേറ്റ പ്രഹരം; കെ. സുരേന്ദ്രന്‍.

തിരുവനന്തപുരം: പോപ്പുലര്‍ ഫ്രണ്ട് കേന്ദ്രം കണ്ടുകെട്ടിയ എന്‍.ഐ.എ നടപടിയെ ബി.ജെ.പി സ്വാഗതം ചെയ്യുന്നുവെന്ന് ബി.ജെ.പി സംസ്ഥാന അദ്ധ്യക്ഷന്‍ കെ....

തിരുവനന്തപുരം: പോപ്പുലര്‍ ഫ്രണ്ട് കേന്ദ്രം കണ്ടുകെട്ടിയ എന്‍.ഐ.എ നടപടിയെ ബി.ജെ.പി സ്വാഗതം ചെയ്യുന്നുവെന്ന് ബി.ജെ.പി സംസ്ഥാന അദ്ധ്യക്ഷന്‍ കെ. സുരേന്ദ്രന്‍. രാജ്യത്തെ പോപ്പുലര്‍ ഫ്രണ്ടിന്റെ ഏറ്റവും പ്രധാനപ്പെട്ട ആയുധ പരിശീലന കേന്ദ്രമായ മഞ്ചേരിയിലെ ഗ്രീന്‍വാലി, എന്‍.ഐ.എ കണ്ടുകെട്ടിയത് സംസ്ഥാന സര്‍ക്കാരിന്റെ മുഖത്തേറ്റ പ്രഹരമാണെന്നും കെ. സുരേന്ദ്രന്‍ പറഞ്ഞു. പോപ്പുലര്‍ ഫ്രണ്ട് നിരോധനത്തിന് ശേഷം മറ്റ് സംസ്ഥാനങ്ങളൊക്കെ അവരുടെ സ്വത്ത് വകകള്‍ കണ്ടുകെട്ടിയപ്പോള്‍ കേരളത്തില്‍ അത് സംരക്ഷിക്കുകയായിരുന്നു പിണറായി സര്‍ക്കാര്‍ ചെയ്തതെന്നും സുരേന്ദ്രന്‍ കുറ്റപ്പെടുത്തി.

കേരള പൊലീസ് പോപ്പുലര്‍ ഫ്രണ്ടിനെതിരെ മൃദുസമീപനം കൈക്കൊണ്ടത് സി പി എമ്മിന്റെ നിര്‍ദ്ദേശപ്രകാരമായിരുന്നു. ഇന്ത്യയിലെ ഭീകരവാദ പ്രവര്‍ത്തനങ്ങളുടെ ഹെഡ്ക്വാര്‍ട്ടേഴ്‌സ് ആയ ഗ്രീന്‍വാലി പൊലീസ് സീല്‍ ചെയ്യാതിരുന്നത് വോട്ട്ബാങ്ക് രാഷ്ട്രീയ താത്പര്യം കൊണ്ടായിരുന്നു. 

എന്നാല്‍ ഭീകരവാദത്തിനെതിരെ ശക്തമായ നടപടികളുമായി മുന്നോട്ട് പോവുന്ന കേന്ദ്രസര്‍ക്കാര്‍ കര്‍ശന നടപടിയെടുത്തതോടെ പോപ്പുലര്‍ ഫ്രണ്ടിനും അവരെ സംരക്ഷിക്കുന്നവര്‍ക്കും തിരിച്ചടിയുണ്ടായിരിക്കുകയാണെന്നും സുരേന്ദ്രന്‍. 

Keywords:  Surendran, Bjp, NIA, Popular front,