ആലപ്പുഴ: വ്യാജ ബിരുദ സര്ട്ടിഫിക്കറ്റിലൂടെ ബിരുദാനന്തര ബിരുദത്തിന് പ്രവേശനം നേടിയ നിഖില് തോമസിന്റെ കലിംഗ യൂണിവേഴ്സിറ്റിയുടെ പേരിലുള്ള വ്...
ആലപ്പുഴ: വ്യാജ ബിരുദ സര്ട്ടിഫിക്കറ്റിലൂടെ ബിരുദാനന്തര ബിരുദത്തിന് പ്രവേശനം നേടിയ നിഖില് തോമസിന്റെ കലിംഗ യൂണിവേഴ്സിറ്റിയുടെ പേരിലുള്ള വ്യാജ ഡിഗ്രി സര്ട്ടിഫിക്കറ്റ് കണ്ടെടുത്തു. നിഖിലിന്റെ വീട്ടില് നടത്തിയ പരിശോധനയിലാണ് വ്യാജ സര്ട്ടിഫിക്കറ്റ് കിട്ടിയത്. ബികോം ഫസ്റ്റ് ക്ലാസില് പാസായെന്ന വ്യാജ മാര്ക്ക് ലിസ്റ്റും കണ്ടെത്തിയിട്ടുണ്ട്. കേസിലെ നിര്ണായക രേഖകളാണ് കണ്ടെടുത്തത്.
പ്രതി പെട്ടെന്ന് ഒളിവില് പോകേണ്ടി വന്നതിനാല് ഇത് ഒളിപ്പിക്കാനായില്ലെന്നാണ് കരുതുന്നത്. സി പി എം ജില്ലാ കമ്മിറ്റി ഡിഗ്രി ഹാജരാക്കാന് ആവശ്യപ്പെട്ടപ്പോള് തുല്യതാ സര്ട്ടിഫിക്കറ്റ് മാത്രമാണ് നിഖില് കൊടുത്തത്. യഥാര്ഥ സര്ട്ടിഫിക്കറ്റ് സര്വകലാശാലയുടെ പക്കലാണെന്നായിരുന്നു നിഖില് പറഞ്ഞത്.
COMMENTS