In an extraordinary move, Governor Arif Muhammad Khan asked all nine university vice-chancellors in the state to resign before 11.30 tomorrow morning
സ്വന്തം ലേഖകന്‍
തിരുവനന്തപുരം : അത്യസാധാരണ നടപടിയിലൂടെ, സംസ്ഥാനത്തെ ഒന്‍പത് സര്‍വകലാശാലാ വൈസ് ചാന്‍സലര്‍മാരോടും രാജിവയ്ക്കാന്‍ ഗവര്‍ണര്‍ ആരിഫ് മുഹമ്മദ് ഖാന്‍ ആവശ്യപ്പെട്ടു. നാളെ രാവിലെ 11.30ന് മുമ്പ് രാജി വയ്ക്കണമെന്നാണ് നിര്‍ദേശം.
ഈ മാസം 21ന് പുറത്തുവന്ന സുപ്രീം കോടതി വിധിയുടെ അടിസ്ഥാനത്തിലാണ് രാജിക്കു നിര്‍ദ്ദേശം കൊടുത്തിരിക്കുന്നത്.
കേരള, എം.ജി, കാലിക്കറ്റ്, ഫിഷറീസ്, കുസാറ്റ്, കണ്ണൂര്‍, കാലടി, സാങ്കേതിക സര്‍വകലാശാല, മലയാളം സര്‍വകലാശാലാ വി സിമാരോടാണ് രാജിവയ്ക്കാന്‍ ഗവര്‍ണര്‍ ആവശ്യപ്പെട്ടത്.
ഇതിനിടെ, സാങ്കേതിക സര്‍വകലാശാലാ വിസിയെ പുറത്താക്കിയ സുപ്രീം കോടതി വിധിക്കെതിരെ പുനഃപരിശോധനാ ഹര്‍ജി നല്‍കുന്നതില്‍ സര്‍ക്കാര്‍ നിയമോപദേശം തേടിയിരിക്കുകയാണ്. അഡ്വക്കേറ്റ് ജനറലിന്റെയും സുപ്രീം കോടതിയിലെ സീനിയര്‍ അഭിഭാഷകരുടെയും ഉപദേശമാണ് സംസ്ഥാന സര്‍ക്കാര്‍ ചോദിച്ചിരിക്കുന്നത്. സാങ്കേതിക സര്‍വകലാശാലയില്‍ പകരം ചുമതല ആര്‍ക്കും നല്കിയിട്ടുമില്ല.
കെ.ടി.യു വൈസ് ചാന്‍സലര്‍ നിയമനം റദ്ദാക്കി സുപ്രീംകോടതി
Summary: In an extraordinary move, Governor Arif Muhammad Khan asked all nine university vice-chancellors in the state to resign. The suggestion is to resign before 11.30 tomorrow morning.
COMMENTS