കൊച്ചി : മുന്‍ അഡ്വക്കേറ്റ് ജനറല്‍ സി പി സുധാകരപ്രസാദ് അന്തരിച്ചു. 81 വയസ്സായിരുന്നു. ഓള്‍ ഇന്ത്യ ലോയേഴ്സ് യൂണിയന്‍ അഖിലേന്ത്യാ വൈസ് പ്രസിഡന...
.jpg)
കൊച്ചി : മുന്‍ അഡ്വക്കേറ്റ് ജനറല്‍ സി പി സുധാകരപ്രസാദ് അന്തരിച്ചു. 81 വയസ്സായിരുന്നു. ഓള്‍ ഇന്ത്യ ലോയേഴ്സ് യൂണിയന്‍ അഖിലേന്ത്യാ വൈസ് പ്രസിഡന്റും സംസ്ഥാന പ്രസിഡന്റുമാണ്. സംസ്‌ക്കാരം വെകിട്ട് 4.30 ന് കൊച്ചിയില്‍ നടക്കും.
വി.എസ്. അച്യുതാനന്ദന്‍ സര്‍ക്കാരിലും ന്നാം പിണറായി സര്‍ക്കാരിലും അഡ്വക്കേറ്റ് ജനറലായി പ്രവര്‍ത്തിച്ചിരുന്നു. ഏറ്റവും കൂടുതല്‍ കാലം സംസ്ഥാനത്ത് അഡ്വക്കേറ്റ് ജനറലായി പ്രവര്‍ത്തിച്ച വ്യക്തിയാണ്.
സര്‍വീസ്, ഭരണഘടനാ കേസുകളില്‍ വിദഗ്ദ്ധനായിരുന്നു അദ്ദേഹം.
വര്‍ക്കല ചാവര്‍കോട് വൈദ്യ കുടുംബാംഗമാണ്. റിട്ട. രജിസ്ട്രാര്‍ എം. പദ്മനാഭന്റെയും എം. കൗസല്യയുടെയും മൂത്ത മകനായി 1940 ജൂലായ് 24-നാണ് ജനനം. ചന്ദ്രികയാണ് ഭാര്യ. മകള്‍: ഡോ. സിനി രമേശ് (ഗൈനക്കോളജിസ്റ്റ്, അമൃത ആശുപത്രി), എ. ദീപക് (എന്‍ജിനീയര്‍, ദുബായ്) മരുമക്കള്‍: അഡ്വ. എസ്. രമേശ് (ഹൈക്കോടതി), നിലീന. എറണാകുളം ചളിക്കവട്ടത്തായിരുന്നു താമസം.
പാളയംകുന്ന് പ്രൈമറി സ്‌കൂളിലും നാവായിക്കുളം സര്‍ക്കാര്‍ ഹൈസ്‌കൂളിലുമായിരുന്നു സ്‌കൂള്‍ പഠനം. ഗണിതശാസത്രത്തില്‍ കൊല്ലം എസ്.എന്‍. കോളേജില്‍ നിന്ന് ബിരുദം. 1964-ല്‍ തിരുവനന്തപുരം ലോ കോളേജില്‍ നിന്ന് ബി.എല്‍ പാസ്സായി.
ഒരു വര്‍ഷം സി.പി. പരമേശ്വരന്‍ പിള്ളയുടെയും സി.വി. പദ്മരാജന്റെയും കീഴല്‍ കൊല്ലത്ത് പ്രാക്ടീസ് ചെയ്തു. പ്രമുഖ അഭിഭാഷകനായ പി. സുബ്രഹ്മണ്യം പോറ്റിയുടെ കീഴില്‍ 1965-ല്‍ ഹൈക്കോടതിയില്‍ പ്രാക്ടീസ് ആരംഭിച്ചു.
സുബ്രഹ്മണ്യം പോറ്റി 1969-ല്‍ ഹൈക്കോടതിയില്‍ ജഡ്ജിയാകുന്നതുവരെ അദ്ദേഹത്തിന്റെ കീഴില്‍ തുടര്‍ന്നു. പിന്നീട് സ്വതന്ത്രമായി പ്രാക്ടീസ് ആരംഭിച്ചു. അതിനു ശേഷം അന്നത്തെ അഡ്വക്കറ്റ് ജനറല്‍ കെ. സുധാകരനൊപ്പം പ്രവര്‍ത്തനം.
മുഖ്യമന്ത്രി പിണറായി വിജയന്‍ ഉള്‍പ്പെടെ നിരവധി പ്രമുഖര്‍ സുധാകരപ്രസാദിന്റെ നിര്യാണത്തില്‍ അനുശോചിച്ചു.
.jpg)
COMMENTS