Haridas, a CPM activist from Punnol, was hacked to death in Thalassery New Mahe. The murder took place at half past one in the morning
സ്വന്തം ലേഖകന്
കണ്ണൂര് തലശ്ശേരി ന്യൂ മാഹിയില് സിപിഎം പ്രവര്ത്തകനായ പുന്നോല് സ്വദേശി ഹരിദാസനെ വെട്ടിക്കൊന്നു. പുലര്ച്ചെ ഒന്നരയ്ക്ക് വീട്ടിനു മുന്നില് വച്ചായിരുന്നു അരും കൊലപാതകം.
മത്സ്യത്തൊഴിലാളിയായ ഹരിദാസന് ജോലി കഴിഞ്ഞു വീട്ടിലേക്കു പോവുകയായിരുന്നു. രണ്ടു ബൈക്കുകളിലായെത്തിയ സംഘമാണ് വെട്ടിക്കൊന്നത്.
ഒരു കാല് വെട്ടി മാറ്റിയിരുന്നു. ഉടന് തന്നെ നാട്ടുകാര് തലശ്ശേരി സഹകരണ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ദിവസങ്ങളായി ഇവിടെ സിപിഎം - ആര് എസ് എസ് സംഘര്ഷം നിലനില്ക്കുകയാണ്. ഇതിന്റെ തുടര്ച്ചയാണ് കൊലപാതമെന്നു കരുതുന്നുവെന്ന് പൊലീസ് പറഞ്ഞു.
ആര് എസ് എസാണ് കൊലയ്ക്കു പിന്നിലെന്നു സിപിഎം ആരോപിച്ചു.
കൊലപാതകത്തില് പ്രതിഷേധിച്ച് തലശ്ശേരി നഗരസഭയിലും ന്യൂമാഹി പഞ്ചായത്തിലും ഇന്നു സിപിഎം ഹര്ത്താല് പ്രഖ്യാപിച്ചിരിക്കുകയാണ്.
ഹരിദാസിന്റ മൃതദേഹം പരിയാരം മെഡിക്കല് കോളേജ് ആശുപത്രിയിലേക്കു മാറ്റി. സ്ഥലത്ത് തുടര് അക്രമങ്ങളുണ്ടാവാതിരിക്കാനായി വന് പൊലീസ് സന്നാഹം നിലയുറപ്പിച്ചിരിക്കുകയാണ്.
COMMENTS