Chage sheet against Swapna Suresh
തിരുവനന്തപുരം: എയര് ഇന്ത്യ സാറ്റ്സിലെ ഉദ്യോഗസ്ഥനെതിരെ വ്യാജ പരാതി നല്കിയ കേസില് സ്വപ്ന സുരേഷിനെതിരെ കുറ്റപത്രം സമര്പ്പിച്ച് ക്രൈംബ്രാഞ്ച്. കേസില് പ്രതികളായ പത്തു പേര്ക്കെതിരെയാണ് ക്രൈംബ്രാഞ്ചിന്റെ കുറ്റപത്രം. ഇവര്ക്കെതിരെ വ്യാജരേഖ ചമയ്ക്കലും ഗൂഢാലോചന കുറ്റവുമാണ് ചുമത്തിയിരിക്കുന്നത്.
അതേസമയം ക്രൈംബ്രാഞ്ച് ഇപ്പോള് കുറ്റപത്രം സമര്പ്പിച്ചതിനു പിന്നില് ശിവശങ്കറാണെന്ന് സംശയിക്കുന്നതായി സ്വപ്ന പറഞ്ഞു. താന് തുറന്നു സംസാരിച്ചതിന്റെ അനന്തരഫലമാണിതെന്നും ശിവശങ്കറിന്റെ പുസ്തകത്തില് പരാമര്ശിച്ചതിനെതിരെ പ്രതികരിക്കുകമാത്രമാണ് താന് ചെയ്തതെന്നും സ്വപ്ന വ്യക്തമാക്കി. തനിക്കെതിരായ ആരോപണങ്ങളില് മറുപടി പറയുകയെന്നത് തന്റെ അവകാശമാണെന്നും സ്വപ്ന പറഞ്ഞു.
Keywords: Carge sheet, Swapna Suresh, Sivsankar
COMMENTS