Police have registered a case against Muslim League state secretary Abdurahman Kallai for making a bad remark against Minister Mohammad Riyaz
സ്വന്തം ലേഖകന്‍
കോഴിക്കോട് : മന്ത്രി മുഹമ്മദ് റിയാസിനെതിരെ മോശം പരാമര്‍ഷം പ്രസംഗമദ്ധ്യേ നടത്തിയ മുസ്ലിം ലീഗ് സംസ്ഥാന സെക്രട്ടറി അബ്ദുറഹ്മാന്‍ കല്ലായിക്കെതിരെ പൊലീസ് കേസെടുത്തു.
സിപിഎം പരപ്പനങ്ങാടി ലോക്കല്‍ കമ്മറ്റി അംഗം എപി മുജീബ് നല്കിയ പരാതി പ്രകാരം വെളളയില്‍ പൊലീസാണ് കേസെടുത്തത്.
കോഴിക്കോട് കടപ്പുറത്ത് നടത്തിയ വഖഫ് സംരക്ഷണ റാലിയില്‍ പൊതുമരാമത്ത് മന്ത്രി പിഎ മുഹമ്മദ് റിയാസിനെ വ്യക്തിപരമായി അധിക്ഷേപിച്ചുകൊണ്ട് അബ്ദുറഹിമാന്‍ കല്ലായി നടത്തിയ പ്രസംഗം ഏറെ വിമര്‍ശനത്തിനും വിവാദത്തിനും ഇടയാക്കിയിരുന്നു. പിന്നീട് തന്റെ പ്രസംഗത്തിന്റെ പേരില്‍ അബ്ദുറഹ്മാന്‍ കല്ലായി മാപ്പ് പറയുകയും ചെയ്തിരുന്നു.
മതസ്പര്‍ദ്ധ വളര്‍ത്തല്‍, അപകീര്‍ത്തികരമായ പരാമര്‍ശം എന്നിവയ്‌ക്കെതിരായ വകുപ്പുകള്‍ പ്രകാരമാണ് കേസ്.
റിയാസിന്റേത് വിവാഹമല്ല, വ്യഭിചാരമാണെന്ന് അബ്ദുറഹ്മാന്‍ അധിക്ഷേപിച്ചിരുന്നു. ഡിവൈഎഫ്‌ഐ മുന്‍ അഖിലേന്ത്യാ പ്രസിഡന്റ് എന്റെ നാട്ടിലെ പുതിയാപ്ലയാണ്. ആരാടോ ഭാര്യ? ഇത് വിവാഹമാണോ? വ്യഭിചാരമാണ്. അത് പറയാന്‍ ചങ്കൂറ്റം വേണം. സി എച്ച് മുഹമ്മദ് കോയയുടെ നട്ടെല്ല് നമ്മള്‍ പ്രകടിപ്പിക്കണം എന്നിങ്ങനെയായിരുന്നു അബ്ദുറഹ്മാന്റെ വിദ്വേഷ പ്രസംഗം.
COMMENTS