Attack against actor Vijay Sethupathy
ബംഗളൂരു: തമിഴ് നടന് വിജയ് സേതുപതിയെ വിമാനത്താവളത്തില് വച്ച് ആക്രമിച്ച സംഭവത്തില് മലയാളി അറസ്റ്റില്. ബംഗളൂരുവില് സ്ഥിരതാമസക്കാരനായ ജോണ്സണാണ് അറസ്റ്റിലായത്. ഇയാള് സെല്ഫിയെടുക്കാന് ശ്രമിച്ചപ്പോള് വിസമ്മതിച്ചതാണ് പ്രകോപിതനാകാന് കാരണമെന്നും മദ്യലഹരിയിലായിരുന്നെന്നും പൊലീസ് വ്യക്തമാക്കി. ബംഗളൂരു വിമാനത്താവളത്തില് വച്ചാണ് ആക്രമണം ഉണ്ടായത്.
വിമാനത്താവളത്തിന് പുറത്തേക്ക് വിജയ് സേതുപതി വരുമ്പോള് പുറകിലൂടെ ഓടിയെത്തിയ ജോണ്സണ് നടനെ ചവിട്ടിവീഴ്ത്താന് ശ്രമിക്കുകയായിരുന്നു. ആക്രമണത്തില് നടന്റെ കൂടെയുണ്ടായിരുന്ന നടന് മഹാഗന്ധിക്ക് പരുക്കേറ്റിരുന്നു. എന്നാല് വിജയ് സേതുപതിക്ക് പരിക്കേറ്റിട്ടില്ല. സംഭവത്തിന്റെ ദൃശ്യങ്ങള് പുറത്തുവന്നിരുന്നു. ആക്രമിയെ നടന്റെ ടീമംഗങ്ങളും സുരക്ഷാ ഉദ്യോഗസ്ഥരും ചേര്ന്ന് കീഴ്പ്പെടുത്തുകയായിരുന്നു.
Keywords: Vijay Sethupathy, Attack, Airport, Areest
COMMENTS