ജമ്മുകശ്മീരില്‍ ഭീകരര്‍ക്കെതിരെ ശക്തമായി തിരിച്ചടിച്ച് ഇന്ത്യന്‍ സൈന്യം: മൂന്ന് ഭീകരരെ വധിച്ചു

Three terrorists killed in Jammu Kasmir

 

ശ്രീനഗര്‍: ജമ്മുകശ്മീരിലെ ഷോപ്പിയാനില്‍ ഭീകരര്‍ക്കെതിരെ ശക്തമായി തിരിച്ചടിച്ച് ഇന്ത്യന്‍ സൈന്യം. ഷോപ്പിയാനില്‍ ഇന്നു പുലര്‍ച്ചെയുണ്ടായ ഏറ്റുമുട്ടലില്‍ മൂന്ന് ഭീകരരെ സൈന്യം വധിച്ചു. ഇവരില്‍ നിന്നും നിരവധി ആയുധങ്ങളും വെടിക്കോപ്പും സൈന്യം പിടിച്ചെടുത്തു. 

കഴിഞ്ഞ ദിവസം കശ്മീരിലെ പുഞ്ചില്‍ ഭീകരരുമായുള്ള ഏറ്റുമുട്ടലില്‍ അഞ്ചു സൈനികര്‍ വീരമൃത്യു വരിച്ചിരുന്നു. ഇതേതുടര്‍ന്ന് സൈന്യം ഭീകരര്‍ക്കായുള്ള തിരച്ചില്‍ ശക്തമാക്കുകയായിരുന്നു. 

തിങ്കളാഴ്ച രാത്രി മുതല്‍ തുടങ്ങിയ ഏറ്റുമുട്ടലിലാണ് മൂന്നു ഭീകരരെ വധിച്ചത്. കശ്മീരിലെ വിവിധ ഇടങ്ങളില്‍ ഇപ്പോഴും ഭീകരര്‍ക്കായുള്ള തിരച്ചില്‍ തുടരുകയാണ്.

Keywords: Jammu Kasmir, Encounter, Three terrorists killed