തിരുവനന്തപുരം: സീനിയര്‍ ടെലിവിഷന്‍ ജേര്‍ണലിസ്റ്റും മാതൃഭൂമി ന്യൂസിന്റെ 'സൂപ്പര്‍ പ്രൈം ടൈം' അവതാരകനുമായ വേണു ബാലകൃഷ്ണനെ പുറത്താക്കി...
തിരുവനന്തപുരം: സീനിയര്‍ ടെലിവിഷന്‍ ജേര്‍ണലിസ്റ്റും മാതൃഭൂമി ന്യൂസിന്റെ 'സൂപ്പര്‍ പ്രൈം ടൈം' അവതാരകനുമായ വേണു ബാലകൃഷ്ണനെ പുറത്താക്കിയതായി മാതൃഭൂമി ഗ്രൂപ്പ് മാനേജിംഗ് ഡയറക്ടറും രാജ്യസഭാ എംപിയുമായ ശ്രേയാംസ് കുമാര്‍.
ശ്രേയാംസ് കുമാറിനെ ഉദ്ധരിച്ച് ദി ന്യൂസ് മിനിറ്റാണ് ഇക്കാര്യം റിപ്പോര്‍ട്ട് ചെയ്തത്. സഹപ്രവര്‍ത്തകയ്ക്കു മോശം സന്ദേശമയച്ചു എന്ന കുറ്റത്തിനാണ് വേണു ബാലകൃഷ്ണനെ ഒഴിവാക്കിയതെന്നു റിപ്പോര്‍ട്ടില്‍ പറയുന്നു.
സഹപ്രവര്‍ത്തകയ്ക്കു വേണു പലതവണ അനുചിതമായ സന്ദേശങ്ങള്‍ അയച്ചതായി തെളിഞ്ഞതിനെ തുടര്‍ന്നാണ് നടപടി. മോശം പെരുമാറ്റ ആരോപണത്തെ തുടര്‍ന്ന് വേണുവിനെ ചുമതലകളില്‍ നിന്ന് ഒഴിവാക്കി. കമ്പനിക്ക് ഇക്കാര്യത്തില്‍ സഹിഷ്ണുതയില്ല, ശ്രേയാംസ് കുമാര്‍ പറഞ്ഞു.
വേണു ബാലകൃഷ്ണനെതിരെ കമ്പനി സ്വമേധയാ നടപടിയെടുക്കുകയായിരുന്നു. വനിതാ ജേര്‍ണലിസ്റ്റ് ഔദ്യോഗികമായി പരാതി നല്‍കിയിട്ടില്ലെന്നും ശ്രേയാംസ് കുമാര്‍ കൂട്ടിച്ചേര്‍ത്തു.
ഇതേസമയം, പരാതി ഉയര്‍ന്നപ്പോള്‍ ചുമതലകളില്‍ നിന്ന് ഒഴിവാക്കിയതോടെ വേണു ബാലകൃഷ്ണന്‍ സ്വമേധയാ രാജിവയ്ക്കുകയായിരുന്നുവെന്നാണ് നേരത്തേ പുറത്തുവന്ന റിപ്പോര്‍ട്ടുകള്‍.
COMMENTS