The accused in the shooting death of BDS house surgeon Manasa in Kothamangalam has been brought to Kerala
കൊച്ചി : കോതമംഗലത്ത് ബിഡിഎസ് ഹൗസ് സര്ജന് മാനസയെ വെടിവെച്ചു കൊന്ന സംഭവത്തില് രഖിലിന് തോക്ക് വിറ്റ പ്രതികളെ കേരളത്തിലെത്തിച്ചു.
ബിഹാര് മുന്ഗെര് ജില്ലയിലെ പര്സന്തോ ഗ്രാമത്തിലെ സോനുകുമാര് (24), ഇടനിലക്കാരന് ബര്സാദ് സ്വദേശി മനീഷ്കുമാര് വര്മ(24) എന്നിവരെ വിമാനത്തില് കൊച്ചിയില് എത്തിക്കുകയായിരുന്നു.
എറണാകുളം റൂറല് എസ്പി കെ കാര്ത്തിക്കിന്റെ നേതൃത്വത്തില് ചോദ്യം ചെയ്ത ശേഷം പ്രതികളെ മജിസ്ട്രേറ്റിനു മുന്നില് ഹാജരാക്കി. വിശദമായ ചോദ്യം ചെയ്യലിനായി ഇരുവരെയും പൊലീസ് കസ്റ്റഡിയില് വാങ്ങും.
സോനുകുമാറിന്റെ ഫോണില് നിന്ന് മറ്റു ചില മലയാളികളുടെ ഫോണ് നമ്പറുകള് ലഭിച്ചിട്ടുണ്ട്. ഇരുപതോളം തോക്കുകള് ഇവര് കേരളത്തില് വിറ്റുവെന്നാണ് സൂചന. ഫോണില് നമ്പറുള്ളവര്ക്ക് ഇയാളുമായുള്ള അടുപ്പമെന്തെന്നും പൊലീസ് അന്വേഷിക്കുന്നുണ്ട്.
രഖിലും ബിസിനസ്സ് കൂട്ടാളിയായ ആദിത്യനും ബംഗളൂരുവില് നടത്തിയ ഇന്റീരിയര് ഡിസൈനിംഗ് സ്ഥാപനത്തില് സോനുകുമാര് ജോലി ചെയ്തിരുന്നു.
Summary: The accused in the shooting death of BDS house surgeon Manasa in Kothamangalam has been brought to Kerala. Sonukumar (24) of Parsanto village in Bihar's Munger district and Manish Kumar Verma (24), a middleman from Barsad, were airlifted to Kochi.
COMMENTS