BJP Kerala state president K Surendran will be questioned in the Kodakara black money case. The police issued a notice at Surendran's house in Ulyeri
സ്വന്തം ലേഖകന്
കോഴിക്കോട്: ബിജെപി സംസ്ഥാന പ്രസിഡന്റ് കെ സുരേന്ദ്രനെ കൊടകര കുഴല്പ്പണക്കേസില് ചോദ്യം ചെയ്യും. തൃശൂര് പൊലീസ് ക്ലബില് ചൊവ്വാഴ്ച രാവിലെ 10ന് ഹാജരാകണമെന്നാവശ്യപ്പെട്ട് സുരേന്ദ്രന്റെ ഉള്യേരിയിലെ വീട്ടില് പൊലീസ് നോട്ടീസ് നല്കി.
ഏപ്രില് മൂന്നിനു കൊടകരയില് അപകടമുണ്ടാക്കി മൂന്നരക്കോടി വരുന്ന കുഴല്പ്പണം കവര്ച്ച ചെയ്തതുമായി ബന്ധപ്പെട്ടതാണ് കേസ്.
ഇതില് 1.4 കോടി രൂപ പൊലീസ് ഇതുവരെ കണ്ടെത്തി. ബാക്കി തുക കണ്ടെത്താനായിട്ടില്ല. ബിജെപിയുടെ തിരഞ്ഞെടുപ്പു പ്രവര്ത്തന ആവശ്യങ്ങള്ക്കു കൊണ്ടുവന്നതാണ് പണമെന്നാണ് പൊലീസ് കോടതിയെ അറിയിച്ചിട്ടുള്ളത്.
ഇതുമായി ബന്ധപ്പെട്ടാണ് സുരേന്ദ്രനെ ചോദ്യം ചെയ്യുന്നത്. സ്വര്ണം കള്ളക്കടത്തു കേസില് സംസ്ഥാന മന്ത്രിമാരെയും സ്പീക്കറെയുമെല്ലാം ചോദ്യം ചെയ്ത കേന്ദ്ര സര്ക്കാര് നടപടിക്കു തിരിച്ചടി കൂടിയാണ് ഈ ചോദ്യം ചെയ്യലിലൂടെ സിപിഎമ്മും സര്ക്കാരും ലക്ഷ്യം വയ്ക്കുന്നത്.
ബിജെപിക്കാകട്ടെ ഈ സംഭവം വലിയ അപമാനമായിരിക്കുകയാണ്. കുഴല്പ്പണത്തില് പങ്കില്ലെന്നു പറയുന്നുണ്ടെങ്കിലും തെളിവുകള് ഒന്നൊന്നായി പുറത്തുവരുന്നത് ബിജെപിക്കു കനത്ത ക്ഷീണമായിരിക്കുകയാണ്.
Summary: BJP Kerala state president K Surendran will be questioned in the Kodakara black money case. The police issued a notice at Surendran's house in Ulyeri asking him to appear at the Thrissur Police Club at 10 am on Tuesday.
COMMENTS