മാലാഖയായി എയ്ഞ്ചല്‍ ഡി മരിയ, ബ്രസീലിനെ ഒരോയൊരു ഗോളിന് മുട്ടുകുത്തിച്ച് അര്‍ജന്റീനയ്ക്കു കോപ അമേരിക്ക കിരീടധാരണം

Argentina kissed the Copa Amrica Cup after 27 years by beating Brazil with the help of Angel Di Maria

മാരക്കാന: എയ്ഞ്ചല്‍ ഡി മരിയയുടെ മികവിലൂടെ ബ്രസീലിനെ മുട്ടുകുത്തിച്ച് 27 വര്‍ഷത്തിനു ശേഷം കോപ അമേരിക്ക കപ്പില്‍ അര്‍ന്റീന മുത്തമിട്ടു. മികച്ച കിരീടങ്ങളൊന്നും നേടാത്ത ക്യാപ്ടനെന്ന ദുഷ്‌പേര് കിരീട നേട്ടത്തിലൂടെ ലയണല്‍ മെസ്സി മായ്ച്ചുകളയുകയും ചെയ്തു.

മെസ്സിയുടെയും കൂട്ടുകാരുടെയും കിരീടനേട്ടത്തിന് മാധുര്യം കൂട്ടുന്നത് അതു ബ്രസീലിന്റെ മണ്ണില്‍ വച്ചുതന്നെയെന്നതാണ്. കഴിഞ്ഞ തവണ കോപ സെമിയില്‍ അര്‍ജന്റീനയെ മറുപടിയില്ലാത്ത രണ്ട് ഗോളുകള്‍ക്ക് ബ്രസീല്‍ വീഴ്ത്തിയിരുന്നു. അതിനുള്ള മധുരപ്രതികാരം കൂടിയായി ഈ ജയം. അന്ന് ഫൈനലില്‍ പെറുവിനെ കീഴടക്കിയാണ് ബ്രസീല്‍ ചാമ്പ്യന്മാരായത്.

After 28 years of long wait Messi, Di #Maria did it for Argentina. #CopaAmerica

pic.twitter.com/axtgNc21aJ

— Instablog9ja (@instablog9ja) July 11, 2021

ഒരേസമയം പരുക്കനും എന്നാല്‍ ആവേശം മുറ്റിയതുമായിരുന്നു മത്സരം. ഒന്നാം പകുതിയില്‍ നല്ല ഗോളവസരങ്ങളൊന്നും സൃഷ്ടിക്കാന്‍ ബ്രസീലിനായില്ല.

22-ാം മിനിറ്റിലാണ് ഫുട്‌ബോളിലെ മാലാഖയായി മാറിയ  ഏയ്ഞ്ചല്‍ ഡി മരിയ ടീമിന് മത്സരത്തിലെ ഒരേയൊരു ഗോള്‍ സമ്മാനിച്ചത്. 29-ാം മിനിറ്റില്‍ ഡി മരിയ വീണ്ടും ബ്രസീലിനെ ഞെട്ടിച്ചുവെങ്കിലും ഷോട്ട് മാര്‍ക്കിന്യോസ് തടഞ്ഞതുകൊണ്ട് മറ്റൊരു ദുരന്തം ഒഴിവായി. 33-ാം മിനിറ്റില്‍ മികച്ചൊരു മുന്നേറ്റത്തിനൊടുവില്‍ മെസ്സിയുടെ ഷോട്ട് പുറത്തേക്ക് പോകുന്നതും കാണായി.

സെമി ഫൈനലില്‍ പെനല്‍റ്റി ഷൂട്ടൗട്ടില്‍ കൊളംബിയയെ തോല്‍പ്പിച്ചാണ് അര്‍ജന്റീന ഫൈനലിലെത്തിയത്. ആ ടീമില്‍ അഞ്ച് മാറ്റങ്ങള്‍ വരുത്തിയിരുന്നു പരിശീലകന്‍ ലയണല്‍ സ്‌കലോനി. ആ മാറ്റങ്ങളുടെ കൂട്ടത്തിലാണ് എയ്ഞ്ചല്‍ ഡി മരിയ ആദ്യ ഇലവനില്‍ ഇടംപിടിച്ചതും.

അര്‍ജന്റീനയുടെ പതിനഞ്ചാം കോപ അമേരിക്ക കിരീടമാണിത്. ഇതോടെ 1916 ല്‍ തുടക്കമായ കോപ അമേരിക്ക ടൂര്‍ണമെന്റില്‍ ഉറുഗ്വേയുടെ പേരിലുള്ള റെക്കോര്‍ഡിനൊപ്പമെത്താനും അര്‍ജന്റീനയ്ക്കായി.

മെസിയാണ് ടൂര്‍ണമെന്റിലെ മികച്ച താരം. ടൂര്‍ണമെന്റിലെ ടോപ് സ്‌കോററായ മെസി നാലു ഗോള്‍ നേടി. കോവിഡ് പ്രോട്ടോക്കോള്‍ പാലിച്ചായിരുന്നു മത്സരം.

The way neymar sneaked into argentina players celebration area just to congratulate his dear friend Messi melted my heart❣️❣️

I will rate this as my second fav moment of today's match 🤩❤️#Messi #CopaAmerica #Argentina pic.twitter.com/D6I2cy9CGk

— Phoenix🌠 (@blacktea_luv) July 11, 2021

Summary: Argentina kissed the Copa Amrica Cup after 27 years by beating Brazil with the help of Angel Di Maria. Angel Di Maria,  scored the only goal of the match in the 22nd minute. This is Argentina's 15th Copa Amrica title. Messi is the best player in the tournament. Messi, the tournament's top scorer, scored four goals.

Keywords: Argentina, Copa Amrica Cup, Brazil, Angel Di Maria, Goal , Match, Messi, Best player , Tournament, Tp scorer