Jijuraj, partner of transgender Ananya Kumari Alex, has been found dead. Jiju Raj, 36, was found hanged at his friend's rented house in Vyttila
കൊച്ചി: ആത്മഹത്യ ചെയ്ത ട്രാന്സ്ജെന്ഡര് അനന്യ കുമാരി അലക്സിന്റെ പങ്കാളി തിരുവനന്തപുരം ജഗതി തൈക്കാട് ആറ്റുവരമ്പത്ത് ജിജുരാജിനെ മരിച്ച നിലയില് കണ്ടെത്തി.
36കാരനായ ജിജു രാജിനെ സുഹൃത്തിന്റെ വൈറ്റില ജവഹര് റോഡിലെ വാടകവീട്ടില് ഇന്നു വൈകുന്നേരം മൂന്നു മണിയോടെ തൂങ്ങി മരിച്ച നിലയില് കണ്ടെത്തുകയായിരുന്നു. സുഹൃത്ത് തിരുവനന്തപുരത്താണ്.
ഇടപ്പള്ളിയിലെ ഫ്ളാറ്റില് നിന്നു ചൊവ്വാഴ്ച ജിജു ഭക്ഷണം വാങ്ങാന് പുറത്തുപോയപ്പോഴായിരുന്നു അനന്യയുടെ ആത്മഹത്യ ചെയ്തത്. അനന്യയുടെ മരണശേഷം ജിജു കടുത്ത മാനസിക സംഘര്ഷത്തിലായിരുന്നുവെന്ന് സുഹൃത്തുക്കള് പറയുന്നു.
ജിജുവിന്റൈ വിശദ മൊഴിയെടുക്കാനുള്ള തയ്യാറെടുപ്പിലായിരുന്നു പൊലീസ്. അനന്യയുടെ സംസ്കാര ചടങ്ങിനുശേഷം ജിജു സുഹൃത്തിന്റെ വീട്ടിലെത്തുകയായിരുന്നു. ഹെയര് സ്റ്റൈലിസ്റ്റാണ് ജിജു.
ലിംഗമാറ്റ ശസ്ത്രക്രിയയ്ക്ക് ശേഷം ഗുരുതര ശാരീരിക പ്രശ്നങ്ങള് അനന്യ നേരിട്ടിരുന്നു. കഴിഞ്ഞ വര്ഷം ജൂലായില് കൊച്ചിയിലെ റിനെ മെഡിസിറ്റി ആശുപത്രിയിലായിരുന്നു ശസ്ത്രക്രിയ. ശസ്ത്രക്രിയയിലെ പിഴവ് നിമിത്തം ഏറെ നേരം എഴുന്നേറ്റ് നിന്ന് ജോലി ചെയ്യുന്നതിന് പോലും സാധിക്കുന്നില്ലെന്ന് അനന്യ പറഞ്ഞിരുന്നു. അനന്യയുടെ പോസ്റ്റ്മാര്ട്ടം റിപ്പോര്ട്ട് ശനിയാഴ്ച ലഭിക്കാനിരിക്കെയാണ് ജിജുവിന്റെ മരണം.
ഒരു ദിവസം എട്ടും പത്തും സാനിറ്ററി നാപ് കിന് വരെ മാറേണ്ട അവസ്ഥയാണെന്നും ശസ്ത്രക്രിയയിലെ ഗുരുതര പിഴവിനെക്കുറിച്ച് ആരോഗ്യ മന്ത്രി വീണാ ജോര്ജ് ഉള്പ്പെടെയുള്ളവരോടു പരാതിപ്പെട്ടിട്ടും ഒരു ഫലവുമുണ്ടായില്ലെന്നും അനന്യ പറഞ്ഞിരുന്നു.
Summary: Jagathy Thycaud Attuvarambath Jijuraj, partner of transgender Ananya Kumari Alex, has been found dead. Jiju Raj, 36, was found hanged at his friend's rented house on Vyttila Jawahar Road around 3 pm today.
Ananya committed suicide when Jiju went out to buy food from her flat in Edappally on Tuesday. Friends say that after Ananya's death, Jiju was in a state of severe mental distress. Police were preparing to record Jiju's detailed statement.
COMMENTS