തിരുവനന്തപുരം: കോവിഡ് ടെസ്റ്റ് പോസിറ്റിവിറ്റി നിരക്ക് പ്രതീക്ഷിച്ച തോതില് കുറയാത്തിതിനാല് സംസ്ഥാനത്തു നിലവിലുള്ള ലോക് ഡൗണ് നിയന്ത്രണങ്ങള്...
തിരുവനന്തപുരം: കോവിഡ് ടെസ്റ്റ് പോസിറ്റിവിറ്റി നിരക്ക് പ്രതീക്ഷിച്ച തോതില് കുറയാത്തിതിനാല് സംസ്ഥാനത്തു നിലവിലുള്ള ലോക് ഡൗണ് നിയന്ത്രണങ്ങള് ജൂണ് 16 വരെ നീട്ടാന് തീരുമാനമായി.
വരുന്ന 12, 13 തീയതികളില് കര്ശന നിയന്ത്രണങ്ങളോടെയുള്ള സമ്പൂര്ണ ലോക് ഡൗണ് ആയിരിക്കുമെന്ന് കോവിഡ് അവലോകനയോഗത്തില് മുഖ്യമന്ത്രി പിണറായി വിജയന് പറഞ്ഞു.
രോഗവ്യാപനം പ്രതീക്ഷിച്ച തോതില് കുറയുന്നില്ല.
അവശ്യവസ്തുക്കള് വില്ക്കുന്ന സ്ഥാപനങ്ങള്, വ്യവസായത്തിനു വേണ്ട അസംസ്കൃത വസ്തുക്കള് (പാക്കേജിങ് ഉള്പ്പെടെ), നിര്മ്മാണ സാമഗ്രികള് വില്ക്കുന്ന സ്ഥാപനങ്ങള് തുടങ്ങിയവയ്ക്ക് ജൂണ് 16 വരെ പ്രവര്ത്തനാനുമതി നല്കി.
ബാങ്കുകള് തിങ്കള്, ബുധന്, വെള്ളി ദിവസങ്ങളില് പ്രവര്ത്തിക്കും. സ്റ്റേഷനറി, ജ്വല്ലറി, പാദരക്ഷകളുടെ ഷോറൂം, തുണിക്കടകള്, ഒപ്റ്റിക്കല്സ് തുടങ്ങിയ കടകള്ക്ക് ജൂണ് 11ന് മാത്രം രാവിലെ ഏഴു മണിമുതല് വൈകീട്ട് ഏഴു വരെ പ്രവര്ത്തിക്കാം.
പൊതുമേഖലാ സ്ഥാപനങ്ങള്, സര്ക്കാര്, അര്ദ്ധ സര്ക്കാര് സ്ഥാപനങ്ങള്, കോര്പ്പറേഷനുകള്, കമ്മിഷനുകള് തുടങ്ങിയവ ജൂണ് 17 മുതല് 50 ശതമാനം ഉദ്യോഗസ്ഥരെ ഉള്പ്പെടുത്തി പ്രവര്ത്തനം തുടങ്ങും.
Keywords: Kerala, Lock down, Vaccination, Pinarayi Vijayan, Test Positivity
COMMENTS