എം എ യൂസഫലി സഞ്ചരിച്ച കോപ്ടര്‍ ഇടിച്ചിറക്കി, ആര്‍ക്കും പരിക്കില്ല, സംഭവം എറണാകുളത്ത്

കൊച്ചി: ലുലൂ ഗ്രൂപ്പ് ചെയര്‍മാന്‍ എം എ യൂസഫലിയും ഭാര്യയും സഞ്ചരിച്ചിരുന്ന ഹെലികോപ്ടര്‍  എറണാകുളം പനങ്ങാട് ചതുപ്പുനിലത്ത് ഇടിച്ചിറക്കി. കോപ്ട...

കൊച്ചി: ലുലൂ ഗ്രൂപ്പ് ചെയര്‍മാന്‍ എം എ യൂസഫലിയും ഭാര്യയും സഞ്ചരിച്ചിരുന്ന ഹെലികോപ്ടര്‍  എറണാകുളം പനങ്ങാട് ചതുപ്പുനിലത്ത് ഇടിച്ചിറക്കി. കോപ്ടറില്‍ ഉണ്ടായിരുന്ന ഏഴു പേര്‍ക്കും കാര്യമായ പരിക്കൊന്നുമില്ല.

കോപ്ടറിലുണ്ടായിരുന്നവരെ ലേക് ഷോര്‍ ആശുപത്രിയിലേക്ക് മാറ്റി. രാവിലെ എട്ടരയോടെയായിരുന്നു അപകടം.

യന്ത്രത്തകരാറാണ് അപകട കാരണമായതെന്നാണ് പ്രാഥമിക നിഗമനം. കോപ്റ്റര്‍ സ്ഥിരം ഇറക്കാറുള്ള കുഫോസ് ക്യാംപസ് ഗ്രൗണ്ടില്‍ എത്തുന്നതിനു തൊട്ടുമുന്‍പ് സര്‍വീസ് റോഡിനോട് ചേര്‍ന്നുള്ള ഒഴിഞ്ഞ ചതുപ്പ് പറമ്പില്‍ ഇടിച്ചിറക്കുകയായിരുന്നു.

കോപ്ടര്‍ ചതുപ്പില്‍ ഇറങ്ങിയതിനാലാണ് ദുരന്തം ഒഴിവായത്. ജനവാസ മേഖലയില്‍ വച്ചാണ് കോപ്ടറിന് തകരാറുണ്ടായത്. സമീപത്തെ ദേശീയ പാതയും കടന്നാണ് പൈലറ്റ് ചതുപ്പില്‍ ഇറക്കിയത്. ചതുപ്പില്‍ പൂണ്ടുപോയ നിലയിലാണ് കോപ്ടര്‍.

ലേക് ഷോര്‍ ആശുപത്രിയില്‍ ചികിത്സയില്‍ കഴിയുന്ന ബന്ധുവിനെ കാണാനാണ് യൂസഫലി എത്തിയത്.

Summary: A helicopter carrying Lulu Group chairman MA Yousafali and his wife crash landed in the Panangad Ernakulam. All seven people aboard the helicopter were not seriously injured. Those in the helicopter were taken to Lake Shore Hospital. The accident happened around 8.30 am. The preliminary conclusion is that the accident was caused by a mechanical problem. Just before reaching the Kufos campus, where the helicopter regularly lands, it crashed into an empty swamp adjacent to the service road.

Keywords: Helicopter, Lulu Group chairman, MA Yousafali, Panangad, Ernakulam, Lake Shore Hospital, Kufos campus,  Swamp