ദുബായ്: ഐപിഎലില് പങ്കെടുക്കാന് ദുബായിലെത്തിയ ചെന്നൈ സൂപ്പര് കിംഗ്സിസ് താരം സുരേഷ് റെയ്ന തിടുക്കപ്പെട്ടു നാട്ടിലേക്കു മടങ്ങാന് കാരണം ...
ദുബായ്: ഐപിഎലില് പങ്കെടുക്കാന് ദുബായിലെത്തിയ ചെന്നൈ സൂപ്പര് കിംഗ്സിസ് താരം സുരേഷ് റെയ്ന തിടുക്കപ്പെട്ടു നാട്ടിലേക്കു മടങ്ങാന് കാരണം കുടുംബത്തിലുണ്ടായ കൊലപാതകമെന്നു സൂചന.
വ്യക്തിപരമായ കാരണങ്ങളാല് റെയ്ന മടങ്ങുന്നുവെന്നാണ് ചെന്നൈ സൂപ്പര് കിംഗ്സ് ട്വീറ്റ് ചെയ്തത്. റെയ്നയുടെ അച്ഛന്റെ സഹോദരീ ഭര്ത്താവ് കൊല്ലപ്പെട്ടെന്നും പിതൃസഹോദരി ഗുരുതര നിലയില് ആശുപത്രിയിലാണെന്നും ദൈനിക് ജാഗരണ് റിപ്പോര്ട്ടു ചെയ്തു.
Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
— Chennai Super Kings (@ChennaiIPL) August 29, 2020
KS Viswanathan
CEO
പത്താന്കോട്ടില് ഇവര് താമസിക്കുന്ന വീട്ടിലാണ് കൊലപാതകം നടന്നത്. റെയ്നയുടെ അപ്പച്ചിയുടെ ഭര്ത്താവ് 58 കാരനായ അശോക് കുമാറാണ് കൊല്ലപ്പെട്ടത്.
റെയ്നയുടെ പിതാവിന്റെ സഹോദരി ആശാ ദേവി, ഇവരുടെ കൗശല് കുമാര് (32), അപിന് കുമാര് (24) എന്നിവര് ആക്രമണത്തില് പരിക്കേറ്റ് ഗുരുതര നിലയില് ആശുപത്രിയിലാണ്. അശോക് കുമാറിന്റെ 80 വയസ്സുള്ള അമ്മയ്ക്കും ആക്രമണത്തില് ഗുരുതര പരിക്കേറ്റു. പൊലീസ് സംഘം വിശദമായ അന്വേഷണം നടത്തുകയാണ്. പ്രതികളെക്കുറിച്ച് വിവരമൊന്നും കിട്ടിയിട്ടില്ല.
ഐപിഎല് 13-ാം സീസണില് റെയ്ന കളിക്കില്ലെന്നും അദ്ദേഹത്തിനും കുടുംബത്തിനും എല്ലാ പിന്തുണയും ഈ അവസരത്തില് നല്കുന്നതായും ഫ്രാഞ്ചൈസി ട്വിറ്ററില് പറഞ്ഞിരുന്നു.
സെപ്റ്റംബര് 19 ന് ഉദ്ഘാടന മത്സരത്തില് ചെന്നൈ നിലവിലെ ചാമ്പ്യന്മാരായ മുംബയ് ഇന്ത്യന്സിനെ നേരിടാനിരിക്കെ, ടീമിലെ ചിലര്ക്ക് കോവിഡ് ബാധിച്ചതം ചെന്നൈയെ വലയ്ക്കുന്നുണ്ട്.
ചെന്നൈ സൂപ്പര് കിംഗ്സില് അംഗമായ, ദേശീയ ടീമിലെ ഒരു ബൗളര്ക്കും 12 സപ്പോര്ട്ടിംഗ് സ്റ്റാഫുകള്ക്കുമാണ് കോവിഡ് സ്ഥിരീകരിച്ചിരിക്കുന്നത്.
ഈ മാസം 21നാണ് സൂപ്പര് കിംഗ്സ് ദുബായില് എത്തിയത്. ആറ് ദിവസം ക്വാറന്റൈന് കഴിഞ്ഞ് ഇന്നലെ ടീം പരിശീലനം ആരംഭിക്കുന്നതിനു മുന്പു നടത്തിയ പരിശോധനയിലാണ് രോഗം സ്ഥിരീകരിക്കപ്പെട്ടത്.
Keywords: Suresh Raina, Family, IPL, Dubai, Murder
COMMENTS