ന്യൂഡല്ഹി: അതിര്ത്തിയില് ഇന്ത്യ അയവില്ലാത്ത നയം സ്വീകരിച്ചതോടെ, ചൈനീസ് പട്ടാളം ലഡാക്കിലെ ഗാല്വാനില്നിന്ന് പിന്വാങ്ങാന് തുടങ്ങി....
ന്യൂഡല്ഹി: അതിര്ത്തിയില് ഇന്ത്യ അയവില്ലാത്ത നയം സ്വീകരിച്ചതോടെ, ചൈനീസ് പട്ടാളം ലഡാക്കിലെ ഗാല്വാനില്നിന്ന് പിന്വാങ്ങാന് തുടങ്ങി.
ഗാല്വാന് താഴ്വരയില് നിന്ന്ഒരു കിലോമീറ്ററോളം ചൈനീസ് സൈന്യം പിന്നോട്ടിറങ്ങിയെന്ന് വിവിധ വാര്ത്താ ഏജന്സികള് റിപ്പോര്ട്ടു ചെയ്തു. ഇതിന് ആനുപാതികമായി ഇന്ത്യന് സേനയും പിന്വാങ്ങി തുടങ്ങി.
എന്നാല്, രണ്ടടി പിന്നാക്കം പോയിട്ടു നാലടി മുന്നോട്ടു വരുന്ന ചൈനയുടെ പതവ് അറിയാവുന്നതിനാല് ഇക്കുറി ഇന്ത്യന് സേന ഏറെ കരുതലോടെയാണ് പിന്മാറുന്നത്. നിരീക്ഷണത്തില് ഒരു കുറവും വരുത്തില്ല.
ഇരു സൈന്യവും പിന്മാറി ഇവിടെ ബഫര്സോണ് സൃഷ്ടിച്ചിരിക്കുകയാണ്. ഗാല്വാന് താഴ്വര, ഗോഗ്ര, ഹോട്ട് സ്പ്രിംഗ്സ് എന്നീ പട്രോളിംഗ് പോയന്റുകളില് നിന്നാണ് ചൈനീസ് സേന പിന്മാറിയത്. ഇവിടത്തെ താത്കാലിക നിര്മാണങ്ങളും പൊളിച്ചുനീക്കിയിട്ടുണ്ട്.
കോര് കമാന്ഡര് തലത്തില് നടന്ന മൂന്നാംഘട്ട ചര്ച്ചയുടെ തുടര്ച്ചയായാണ് സേനാ പിന്മാറ്റമെന്നാണ് ലഭിക്കുന്ന വിവരം. ഇതു കൂടാതെ ദേശീയ സുരക്ഷാ ഉപദേഷ്ടാവ് അജിത് ഡോവല് കഴിഞ്ഞ ദിവസം ചൈനയുടെ വിദേശകാര്യ മന്ത്രി വാങ് യിയുമായി ഫോണില് സംസാരിച്ചിരുന്നു. ഇതും സേനാ പിന്മാറ്റത്തിനു കാരണമായിട്ടുണ്ട്.
ഏഴ് ആഴ്ചയായി കിഴക്കന് ലഡാക്കില് നിലനില്ക്കുന്ന സംഘര്ഷത്തിനാണ് ഇതോടെ ചെറിയ അയവു വന്നിരിക്കുന്നത്.
എല്എസിയില് ഏപ്രില് ആദ്യം കയ്യേറിയ പാന്ഗോങ് സോ, ഗാല്വാന് താഴവാരം, ഡസ്പാംഗ് പീഡഭൂമി എന്നിവിടങ്ങളില്ചൈന നടത്തിയ കൈയേറ്റത്തിന്റെ തുടര്ച്ചയായി ജൂണ് 15 നുണ്ടായ സംഘര്ഷത്തില് 20 ഇന്ത്യന് സൈനികര് വീരമൃത്യു വരിച്ചിരുന്നു. തുടര്ന്ന് ഇന്ത്യന് സേന നടത്തി തിരിച്ചടിയില് 45ല്പരം ചൈനീസ് പട്ടാളക്കാരും കൊല്ലപ്പെട്ടു.
Summary: Various news agencies reported that Chinese troops retreated about a kilometer from the Galvan Valley. In proportion to this, the Indian army began to withdraw.
Both armies have withdrawn and created a bufferzone here. Chinese troops withdrew from patrolling points in the Galvan Valley, Gogra and Hot Springs. Temporary structures have also been demolished.
Keywords: Chinese troops, Galvan Valley, Indian arm, Bufferzone, Galvan Valley, Gogra, Hot Springs
COMMENTS