തിരുവനന്തപുരം : ഇന്നു കേരളത്തില് ഒന്പതു പേര്ക്കു കൂടി കൊറോണ വൈറസ് ബാധ സ്ഥിരീകരിച്ചു. ഇതിനൊപ്പം ചികിത്സയിലുണ്ടായിരുന്ന 13 പേര്കൂടി ഇന...
തിരുവനന്തപുരം : ഇന്നു കേരളത്തില് ഒന്പതു പേര്ക്കു കൂടി കൊറോണ വൈറസ് ബാധ സ്ഥിരീകരിച്ചു. ഇതിനൊപ്പം ചികിത്സയിലുണ്ടായിരുന്ന 13 പേര്കൂടി ഇന്നു രോഗമുക്തരായി.
കണ്ണൂരില് നാലുപേര്ക്കും ആലപ്പുഴയില് രണ്ടുപേര്ക്കും രോഗബാധയുണ്ടായി. പത്തനംതിട്ട, തൃശൂര്, കാസര്കോട് ജില്ലകളില് ഓരോ വ്യക്തികള്ക്കു ഇന്ന് രോഗം സ്ഥിരീകരിച്ചുവെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് അറിയിച്ചു.
ഇന്നു രോഗം സ്ഥിരീകരിച്ചവരില് നാലുപേര് വിദേശത്തുനിന്ന് വന്നവരും രണ്ടുപേര് നിസാമുദ്ദീന് തബലീഗ് സമ്മേളനത്തില് പങ്കെടുത്തവരുമാണ്. സമ്പര്ക്കം വഴിയാണ് മൂന്നുപേര്ക്ക് രോഗം പിടിപെട്ടത്.
സംസ്ഥാനത്ത് 345 പേര്ക്കാണ് കോവിഡ് 19 വൈറസ് ബാധ സ്ഥിരീകരിച്ചത്. ഇവരില് 259 പേര് ചികിത്സയിലുണ്ട്. 749 പേര് ആശുപത്രികളിലും 1,39,725 പേര് വീടുകളിലും നിരീക്ഷണത്തിലുണ്ട്.
ഇന്ന് 169 പേരെ ആശുപത്രിയില് പ്രവേശിപ്പിച്ചു. 11,986 സാമ്പിളുകള് അയച്ചിട്ടുള്ളതില് 10,906 എണ്ണം രോഗബാധയില്ലെന്ന് ഉറപ്പുവരുത്തി.
നിസാമുദ്ദീനില് തബലീഗ് സമ്മേളനത്തില് പങ്കെടുത്ത 212 പേരെ കേരളത്തില് ഇതുവരെ കണ്ടെത്തി. ഇവരില് 15 പേര്ക്ക്് കൊറോണ വൈറസ് ബാധ സ്ഥിരീകരിച്ചുവെന്ന് മുഖ്യമന്ത്രി അറിയിച്ചു.
Summary: Nine more people have confirmed the coronavirus infection in Kerala today. Along with this, 13 others who were undergoing treatment were cured today.
Four people were affected in Kannur and two in Alappuzha, Chief Minister Pinarayi Vijayan said in a press conference here.
Of those diagnosed today, four are from abroad and two are participated the Nizamuddin Tabalig conference. Three people got infected through contact.
About 345 people in the state have been infected with the Covid 19 virus. Of these, 259 are undergoing treatment. There are 749 people in hospitals and 1,39,725 in home quarantine. Today, 169 people have been admitted to hospital.
Keywords: Coronavirus, Kerala, Kannur, Alappuzha, Chief Minister Pinarayi Vijaya, Covid 19
COMMENTS