കൊച്ചി: രാഷ്ട്രീയ സ്വയംസേവക സംഘത്തിന്റെ കേരളത്തിലെ മുതിര്ന്ന പ്രചാരകനും സൈദ്ധാന്തികനുമായ പി. പരമേശ്വരന് (പരമേശ്വര് ജി ) അന്തരിച്ചു. 9...
കൊച്ചി: രാഷ്ട്രീയ സ്വയംസേവക സംഘത്തിന്റെ കേരളത്തിലെ മുതിര്ന്ന പ്രചാരകനും സൈദ്ധാന്തികനുമായ പി. പരമേശ്വരന് (പരമേശ്വര് ജി ) അന്തരിച്ചു. 93 വയസായിരുന്നു.
രാവിലെ ആറുമണിക്ക് കൊച്ചിയിലെ ആര്എസ്എസ് സംസ്ഥാന കാര്യാലയത്തില് പൊതുദര്ശനത്തിന് വച്ച ഭൗതികദേഹം നാലു മണിയോടെ തിരുവനന്തപുരത്തേയ്ക്കു കൊണ്ടുവരും. തിരുവനന്തപുരത്ത് സംസ്കൃതി ഭവനില് പൊതുദര്ശനത്തിന് വയ്ക്കുന്ന മൃതദേഹം നാളെ ഉച്ചയോടെ മുഹമ്മയിലെ അദേഹത്തിന്റെ വസതിയില് എത്തിച്ച് അന്ത്യകര്മ്മകള് ചെയ്യും.
ഭാരതീയ വിചാരകേന്ദ്രം ഡയറക്ടറായ പരമേശ്വര് ജി ഒറ്റപ്പാലത്തെ ആയുര്വേദ ആശുപത്രിയില് ചികിത്സയിലായിരുന്നു. ഇന്നു വെളുപ്പിന് ഒരുമണിയോടെയായിരുന്നു അന്ത്യം.
ആറുപതിറ്റാണ്ടായി സംഘ പരിവാര് പ്രസ്ഥാനങ്ങളുടെ കേരളത്തിലെ ബൗദ്ധിക ശക്തിയായി പ്രവര്ത്തിക്കുകയായിരുന്നു അദ്ദേഹം.
ഭാരതീയ ദര്ശനങ്ങളിലും കമ്മ്യൂണിസ്റ്റ് പ്രത്യയശാസ്ത്രങ്ങൡലുമെല്ലാം അദ്ദേഹത്തന് അഗാധപാണ്ഡിത്യമുണ്ടായിരുന്നു. കന്യാകുമാരി വിവേകാനന്ദ കേന്ദ്രം അദ്ധ്യക്ഷനായുംപ്രവര്ത്തിച്ചു.
ആലപ്പുഴ ജില്ലയിലെ മുഹമ്മയില് താമരശ്ശേരില് ഇല്ലത്ത് 1927-ല് ജനനം. തിരുവനന്തപുരം യൂണിവേഴ്സിറ്റി കോളേജില് നിന്ന് ചരിത്രത്തില് ബിരുദം നേടി.
1950-ല് സംഘത്തിന്റ മുഴുവന് സമയ പ്രചാരകനായി. 1957-ല് ഭാരതീയ ജനസംഘത്തിന്റെ സംഘടനാ സെക്രട്ടറിയായി ചുമതലയേറ്റു. പിന്നീട് ജനസംഘത്തിന്റെ ദേശീയ ജനറല് സെക്രട്ടറിയായും വൈസ് പ്രസിഡന്റായും പ്രവര്ത്തിച്ചു. ഡല്ഹി ദീന്ദയാല് റിസര്ച്ച് ഇന്സ്റ്റിട്യൂട്ടിന്റെ ഡയറക്റ്ററായി നാലുവര്ഷം പ്രവര്ത്തിച്ചു.An institution builder, Parameswaran Ji nurtured eminent institutions such as the Bharatheeya Vichara Kendram, Vivekananda Kendra and others. I am fortunate to have interacted with him many times. He was a towering intellectual. Anguished by his demise. Om Shanti. pic.twitter.com/DMo2fBiL3r— Narendra Modi (@narendramodi) February 9, 2020
കന്യാകുമാരിയിലെ വിവേകാനന്ദ സ്മാരകം നിര്മിക്കുന്നതില് സജീവ പങ്കാളിയായിരുന്നു. പ്രക്ഷോഭത്തിന്റെ പേരില് അടിയന്തരാവസ്ഥക്കാലത്ത് ജയില്ശിക്ഷ അനുഭവിച്ചു.
2004ല് പത്മശ്രീയും 2018ല് പത്മവിഭൂഷണും നല്കി രാഷ്ട്രം ആദരിച്ചു. പ്രധാന കൃതികള്: ശ്രീനാരായണ ഗുരു നവോത്ഥാനത്തിന്റെ പ്രവാചകന്, വിവേകാനന്ദനും മാര്ക്സും, മാര്ക്സില് നിന്നു മഹര്ഷിയിലേക്ക്, ശ്രീ അരവിന്ദന് ഭാവിയുടെ ദാര്ശനികന്, കേരളം ഭ്രാന്താലയത്തില് നിന്ന് തീര്ഥാലയത്തിലേക്ക്.
COMMENTS