മാധ്യമ പ്രവര്‍ത്തക ഗൗരി ലങ്കേഷിനെ കൊലപ്പെടുത്തിയ കേസ്: മുഖ്യ ആസൂത്രകരില്‍ ഒരാളായ ഒളിവിലായിരുന്ന പ്രതി അറസ്റ്റില്‍

ബംഗളൂരു: മാധ്യമ പ്രവര്‍ത്തക ഗൗരി ലങ്കേഷിന്റെ കൊലപാതകവുമായി ബന്ധപ്പെട്ട് ഒളിവിലായിരുന്ന പ്രതി അറസ്റ്റില്‍. കേസിലെ പതിനെട്ടാം പ്രതിയായ ഋഷിക...

ബംഗളൂരു: മാധ്യമ പ്രവര്‍ത്തക ഗൗരി ലങ്കേഷിന്റെ കൊലപാതകവുമായി ബന്ധപ്പെട്ട് ഒളിവിലായിരുന്ന പ്രതി അറസ്റ്റില്‍. കേസിലെ പതിനെട്ടാം പ്രതിയായ ഋഷികേശ് ദേവ്ദികര്‍ എന്നയാളാണ് അറസ്റ്റിലായത്.

തീവ്ര വലതുപക്ഷ സംഘടനയായ സനാതന്‍ സന്‍സ്തയുമായും ഹിന്ദു ജനജാഗ്രതി സമിതിയുമായും ബന്ധമുള്ളയാളാണ് ഇപ്പോള്‍ അറസ്റ്റിലായ പ്രതി. കൊലപാതകികള്‍ക്ക് പരിശീലനവും തോക്കും എത്തിച്ചു നല്‍കിയത് ഇയാളാണെന്ന് കുറ്റപത്രത്തില്‍ പറയുന്നുണ്ട്.

ഇയാളെ ജാര്‍ഘണ്ഡിലെ ധന്‍ബാദ് ജില്ലയില്‍ നിന്നുമാണ് പ്രത്യേക അന്വേഷണസംഘം അറസ്റ്റ് ചെയ്തത്. ഗൗരി ലങ്കേഷ് കൊലപാതകത്തിലെ മുഖ്യ ആസൂത്രകരില്‍ ഒരാളാണ് ഇയാളെന്നാണ് പൊലീസിന്റെ വിലയിരുത്തല്‍.

Keywords: Gauri Lankesh, Murder, Key accused, Police, Arrested