കോഴിക്കോട്: ഡിവൈഎഫ്ഐ കേരള പ്രസിഡന്റായി എസ് സതീഷിനേയും സെക്രട്ടറിയായി എ എ റഹീമിനേയും 14– ാമത് സംസ്ഥാന സമ്മേളനം തിരഞ്ഞെടുത്തു. എസ് കെ സജ...
കോഴിക്കോട്: ഡിവൈഎഫ്ഐ കേരള പ്രസിഡന്റായി എസ് സതീഷിനേയും സെക്രട്ടറിയായി എ എ റഹീമിനേയും 14– ാമത് സംസ്ഥാന സമ്മേളനം തിരഞ്ഞെടുത്തു.
എസ് കെ സജീഷാണ് ട്രഷറര്. 90 അംഗ സംസ്ഥാനകമ്മിറ്റിയേയും കോഴിക്കോട് സമാപിച്ച സമ്മേളനം തിരഞ്ഞെടുത്തു.
ചിന്താ ജെറോം, പി നിഖില്, കെ റഫീഖ്, പി ബി അനൂപ്, വി കെ സനോജ് എന്നിവരെ ജോയിന്റ് സെക്രട്ടറിമാരായും മനു സി പുളിക്കല്, കെ പ്രേംകുമാര്, കെ യു ജനീഷ് കുമാര്, എം വിജിന്, ശ്രീഷ്മ അജയ്ഘോഷ് എന്നിവരെ വൈസ് പ്രസിഡന്റുമാരായും തിരഞ്ഞെടുത്തു.
സെക്രട്ടറിയേറ്റ് അംഗങ്ങള്: സി ജെ സജിത്ത്, പി കെ മുബഷീര്, ഡോ. പ്രിന്സി കുര്യാക്കോസ്, രമേഷ് കൃഷ്ണന്, സജേഷ് ശശി, എസ് ആര് അരുണ് ബാബു, കെ പി പ്രമോഷ്, കെ ഷാജര്, ജെ എസ് ഷിജുഖാന്, വി വസീഫ്, ജെയ്ക് സി തോമസ്, എസ് കവിത.
കോതമംഗലം കുത്തുകുഴി സ്വദേശിയായ എസ് സതീഷ് സി പി ഐ എം എറണാകുളം ജില്ലാ കമ്മിറ്റി അംഗവും യുവജനക്ഷേമ ബോര്ഡ് അംഗമാണ്. ഡിവൈഎഫ്ഐ എറണാകുളം ജില്ലാ സെക്രട്ടറിയും സംസ്ഥാന ജോയിന്റ് സെക്രട്ടറിയുമായിരുന്നു. വിരുത്തേലിമറ്റത്തില് ശശിധരന് നായരുടേയും ലളിതയുടേയും മകനാണ്. ഭാര്യ : ആര്യ. രണ്ട് മക്കളുണ്ട്.
നിലവില് ഡിവൈഎഫ്ഐ കേന്ദ്ര കമ്മിറ്റി അംഗമാണ് അഭിഭാഷകനായ എ എ റഹീം. 2011ല് നിയമസഭാ തിരഞ്ഞെടുപ്പില് വര്ക്കല മണ്ഡലത്തിലെ എല്ഡിഎഫ് സ്ഥാനാര്ത്ഥിയായിരുന്നു. വിദ്യാര്ഥി പ്രസ്ഥാനത്തിലുടെ പൊതുരംഗത്തെത്തി. കേരളാ സര്വകലാശാല യൂണിയന് ചെയര്മാന്, സിന്ഡിക്കറ്റംഗം എന്നീ നിലകളില് പ്രവര്ത്തിച്ചിട്ടുണ്ട്.
പേരാമ്പ്ര സ്വദേശിയായ എസ് കെ സജീഷ് ഡിവൈഎഫ്ഐ സംസ്ഥാന സെക്രട്ടറിയറ്റ് അംഗമാണ്.
COMMENTS