ഉത്തര്‍പ്രദേശില്‍ കനത്ത മഴയും വെള്ളപ്പൊക്കവും: മരണസംഖ്യ 21 ആയി

ലക്‌നൗ: ഉത്തര്‍പ്രദേശിലെ 12 ജില്ലകളിലുണ്ടായ വെള്ളപൊക്കത്തിലും കനത്ത മഴയിലും മരിച്ചവരുടെ എണ്ണം 21 ആയി. കനത്ത മഴയെ തുടര്‍ന്ന് ഗംഗയും യമുനയു...

ലക്‌നൗ: ഉത്തര്‍പ്രദേശിലെ 12 ജില്ലകളിലുണ്ടായ വെള്ളപൊക്കത്തിലും കനത്ത മഴയിലും മരിച്ചവരുടെ എണ്ണം 21 ആയി. കനത്ത മഴയെ തുടര്‍ന്ന് ഗംഗയും യമുനയും ഉള്‍പ്പടെയുള്ള നദികള്‍ കരകവിഞ്ഞൊഴുകുകയാണ്.

ഷഹജന്‍പുര്‍, അമേട്ടി, ഔരിയ ജില്ലകളിലാണ് കനത്ത നഷ്ടം. പ്രളയബാധിത മേഖലകളില്‍ ദേശീയ, സംസ്ഥാന ദുരന്ത നിവാരണ സേനകള്‍ രക്ഷാപ്രവര്‍ത്തനം തുടരുകയാണ്.

പ്രളയത്തെ തുടര്‍ന്ന് ഗ്രാമങ്ങള്‍ പലതും ഒറ്റപ്പെട്ട നിലയിലാണ്. വരുന്ന രണ്ട് ദിവസത്തേക്ക് അതിശക്തമായ മഴ പശ്ചിമ ഉത്തര്‍പ്രദേശില്‍ പെയ്യുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ പ്രവചനം.